Rogelio Martínez Garzón
Rogelio Martínez Garzón, nado en Marín en 1857 e finado en Tanti (provincia de Córdoba) o 20 de abril de 1912, foi un comerciante e político galego.
| Nome orixinal | (es) Rogelio Martínez  |
|---|---|
| Biografía | |
| Nacemento | 1857 Marín, España |
| Morte | 20 de abril de 1912 (54/55 anos) Tanti, Arxentina (pt)  |
| Datos persoais | |
| País de nacionalidade | España |
| Actividade | |
| Ocupación | comerciante , político |
| Partido político | Partido Autonomista Nacional (pt) |
| Lingua | Lingua castelá |
| Familia | |
| Fillos | Enrique Martínez (en) |
Traxectoria editar
Fillo de José Martínez Touza e Rosa Garzón. En 1876, con 21 anos, emigrou a Arxentina xunto co seu irmán Heriberto, onde tiñan algúns familiares. En 1881 casou con Isabel Berrotarán. En Córdoba traballou nun comercio, e chegou a converterse en socio do propietario, participando despois noutras sociedades. Na década de 1890 foi vicecónsul honorario de España.
Encabezou o núcleo de comerciantes que o 5 de setembro de 1900 fundaron a Bolsa de Comercio de Córdoba. Paralelamente, iniciou a súa actividade política no Concello de Córdoba; sendo concelleiro durante varios períodos en representación do Partido Autonomista Nacional.
A Bolsa de Comercio apoiaba a unha facción do partido (á que pertencía Martínez) que discrepou co aumento dos impostos municipais. Finalmente constituíuse a alianza denominada Comité del Comercio. En 1908 o Comité del Comercio denunciou fraude nas eleccións para intendente, nomeándose unha Comisión Administradora, que presidiu. Nos novos comicios, realizados o 3 de xaneiro de 1909, venceu a lista do seu partido, que Martínez encabezaba.
Presidiu o Concejo Deliberante de la Ciudad de Córdoba en 1911, adheríndose despois á facción principista do radicalismo, que formou a Unión Autonómica Cívica Radical. Foi senador provincial polo departamento San Alberto en representación de dito partido. En consecuencia, foi expulsado da UCR.
Foi pai de Enrique Martínez Berrotarán, gobernador da provincia de Córdoba e vicepresidente da Arxentina (1928-1930).
Un barrio da cidade de Córdoba leva o seu nome.
Véxase tamén editar
Bibliografía editar
- Elencos políticos argentinos (en castelán).
- Historia de la Bolsa de Comercio de Córdoba 1900-1975, C. Luque Colombres, 1975.
- Grupos sociales dominantes, G. Beato, 1993.
- Cahiers des Amériques latines, N° 51-53, Institut des hautes études de l’Amérique latine, 2006.