Robert Mapplethorpe
Robert Mapplethorpe, nado en Nova York o 4 de novembro de 1946 e finado en Boston o 9 de marzo de 1989, foi un fotógrafo estadounidense famoso polos seus retratos a gran tamaño, as fotografías de flores e as visións do corpo humano en branco e negro con contido sexual moi explícito. O seu carácter transgresor e o feito de pertencer a unha xeración de artistas vital na arte contemporánea estadounidense fai que as súas fotografías sexan moi cotizadas.
| Biografía | |
|---|---|
| Nacemento | 4 de novembro de 1946  Floral Park, Nova York, Estados Unidos |
| Morte | 9 de marzo de 1989 (42 anos) Boston, Massachusetts, Estados Unidos |
| Causa da morte | Morte natural |
| Lugar de sepultura | St. John Cemetery (en)  |
| Datos persoais | |
| Residencia | Floral Park (en) Queens |
| País de nacionalidade | Estados Unidos de América |
| Relixión | Xudaísmo reformista |
| Educación | Pratt Institute |
| Actividade | |
| Campo de traballo | Fotografía |
| Lugar de traballo | Nova York |
| Ocupación | fotógrafo , escultor , colaxista , artista fotográfico (pt) , director de cinema |
| Período de actividade | 1971 - 1989 |
| Xénero artístico | Nudez na arte, Natureza morta e retrato |
| Influencias | |
| Lingua | Lingua inglesa |
| Representante | Xavier Hufkens, Gladstone Gallery (en) e Skarstedt Gallery (en) |
| Participou en | |
| 19 de xuño de 1982 | Documenta 7 (pt) |
| 24 de xuño de 1977 | Documenta 6 |
| Obra | |
Obras destacables
| |
| Arquivos en |
|
| Familia | |
| Irmáns | Edward Mapplethorpe (pt) |
| Páxina web | mapplethorpe.org |
      | |
Traxectoria editar
Inicios editar
Mapplethorpe naceu e medrou nunha familia católica da parroquia da Nosa Señora das Neves en Floral Park, Long Island, Nova York, con devanceiros ingleses e irlandeses. Estudou Belas Artes no instituto Pratt, en Brooklyn (Nova York), onde comezou a producir as súas primeiras obras en soportes moi distintos. As primeiras fotografías sacounas cunha cámara Polaroid. A mediados dos anos setenta mercou unha cámara de prensa de gran formato, e comezou a tirarlles retratos ao seu círculo de amigos e coñecidos, entre os que se incluían artistas, compositores, actrices e actores porno e clientes de bares underground. E aí saltou ao primeiro plano como artista.
Obra editar
A maior parte das obras fíxoas no seu estudio. Entre esas primeiras series de retratos figuran os de Andy Warhol, Deborah Harry, Richard Gere, Peter Gabriel, Grace Jones ou Patti Smith. O retrato máis famoso de Patti Smith (feito en 1975), e que a cantante empregou para o seu álbum Horses, está inspirado nun autorretrato de 1500 do pintor alemán Dürer. Tamén son dese tempo a serie de imaxes homoeróticas, con nus en posicións clásicas pero tamén anovando en perspectivas, puntos de vista e accións, incorporando escenas de sadomasoquismo ou de sexo explícito, como unha coñecida fotografía dun fist-fucking ou un autorretrato de si mesmo cun látego introducido no ano. A sona de Mapplethorpe estendeuse como a pólvora grazas a estas imaxes de contidos sexuais e homoeróticos. Algunhas das súas fotografías de nus de homes negros foron cualificados de racistas, aínda que o seu propósito era ben distinto.
A obra de Mapplethorpe foi exhibida frecuentemente durante a súa vida, e a miúdo con fondos de carácter público. Iso provocou a oposición de grupos conservadores e cristiáns, como a da Asociación de Familias Americanas. A mostra póstuma de Mapplethorpe The perfect moment, onde se incluían sete retratos sadomasoquistas, en Cincinnati en 1990, acabou nunha acusación de promoción da obscenidade para o director do Centro de Arte Contemporánea de Cincinnati, Dennis Barrie, finalmente absolto.
Durante os últimos setenta e primeiros oitenta, porén, sen abandonar estas vías ou incluso para profundizalas, as súas fotografías avanzan cara a unha maior exploración formal: xoga máis coas sensacións que transmiten os brancos e negros, coas sombras, e comeza a fotografar flores, especialmente orquídeas. Estas imaxes seguen tendo unha alta carga homoerótica, pero renuncian ao cáustico. Inda así, prosegue co carácter provocador e considérase un activista da arte. As súas creacións como artista buscan fotografar o home homosexual, traballar sobre a súa figura espida, levar á arte as súas prácticas sexuais e falar en definitiva sobre a construción do xénero e da sexualidade na sociedade occidental de finais do século XX.
En 2003 saíu publicado en papel o libro Autoportrait, unha colección de polaroids en branco e negro de autorretratos de Mapplethorpe, realizados entre 1971 e 1973. En 2006, un retrato de Andy Warhol foi poxado en 643.200 dólares, co que se converteu na quinta fotografía máis cara ata aquel momento.
Vida persoal editar
Mapplethorpe morreu na mañá do 9 de marzo de 1989 como consecuencia das complicacións xeradas pola sida. Tiña 42 anos. Foi soterrado en Queens, Nova York, na cova da súa nai. O seu nome non foi escrito sobre a campa.
Cando se soubo que Mapplethorpe desenvolvera a enfermidade da sida, os prezos das súas fotografías disparáronse. En decembro de 1988 pagábanse a uns 500.000 dólares cada unha.
Álbums editar
Cámaras editar
Véxase tamén editar
Bibliografía editar
- Patricia Morrisroe (1995) Robert Mapplethorpe: A Biography (Papermac: Londres e Nova York)
- Arthur C. Danto (1996) Playing with the Edge: the Photographic Achievement of Robert Mapplethorpe (University of California Press: Londres e Os Ánxeles)
- Gary Banham (2002) "Mapplethorpe, Duchamp and the Ends of Photography" Angelaki 7.1