Requimundo

Requimundo
Biografía
Nacemento	século V
Morte	463 (Gregoriano)
Rei dos suevos
	459 – 463 ; ← Frantán – Remismundo →
Actividade
Ocupación	monarca , guerreiro

Requimundo foi un líder suevo, que gobernou no parte norte do Reino suevo de Galicia entre o 459 e o 463, mentres mantiña unha guerra civil contra Frumario.

Non se identificou como rex, aínda que Hidacio escribiu: "inter Frumarium et Rechimundum oritur de regni potestate dissensio" ("entre Frumario e Requimundo xurdiu unha disensión sobre o poder do reino"). No 457 os suevos dividíronse en dúas faccións, unha dirixida por Maldras asaltando a Lusitania e outra dirixida por Frantán permanecendo en Galicia. Despois duns meses de goberno, Frantán morre e Requimundo aparece como o seu sucesor.

Aínda que é posible que os suevos vivisen baixo unha diarquía, é máis probable que as dúas faccións permanecesen independentes unha da outra. O eventual sucesor de Maldras, Frumario, tampouco foi descrito como un rei, pero en aproximadamente en 463 toda a nación sueva unificouse baixo un rei chamado Remismundo. Enténdese que Requimundo e Frumario loitaran polo trono e ambos foran eliminados, abrindo o camiño para Remismundo. Algúns estudosos equipararon a Remismundo con Requimundo, pero isto parece máis improbable.

Véxase tamén editar

Bibliografía editar

López Carreira, A; Fernández Calo, T. Os reis de Galicia. A Nosa Terra. Vigo, 2003. ISBN 84-96203-27-1.
Thompson, E. A. "The End of Roman Spain: Part II." Nottingham Mediaeval Studies, xxi (1977), pp. 3–31. Reimpreso como "The Suevic Kingdom of Galicia" en Romans and Barbarians: The Decline of the Western Empire. Madison: University of Wisconsin Press, 1982. pp. 161–187. ISBN 0-299-08700-X. Mirar p. 167 para Requimundo.

Outros artigos editar

Títulos Reais
Requimundo Rei Suevo Nacemento: ? Falecemento: 463
Precedido por Frantán (norte)	Rei da parte norte de Galicia 459-463	Sucedido por Remismundo