Renacemento italiano

O Renacemento italiano foi a primeira manifestación do Renacemento europeo, un período de grandes cambios e adiantos culturais que comezou en Italia durante o século XIV, e durou ata o século XVI, marcando a transición entre a Idade Media e a Idade Moderna. O termo Renacemento é moderno en realidade, xa que provén do século XIX, de historiadores como Jules Michelet e Jacob Burckhardt. Malia que na orixe do movemento o esforzo intelectual estaba confinado á literatura e o patrocinio formou parte do século XIV, moitos aspectos da cultura e da sociedade italiana seguiron a ser fondamente medievais. O Renacemento non chegou ó seu apoxeo ata finais de século. A palabra renacemento (Rinascimento en italiano) provén do renovado interese na cultura da Antigüidade clásica despois do período que os humanistas cualificaron como os anos escuros. Eses cambios concentráronse na elite, e para a maioría da poboación, a vida cambiou ben pouco con respecto á Idade Media.

A escola de Atenas de Rafael.

O Renacemento italiano comezou na rexión de Toscana, con epicentro na cidade de Florencia.[1] Florencia, unha das diversas cidades estado da península, acadou grande importancia económica concedendo crédito ós monarcas europeos e sentando as bases do capitalismo e a banca.[2] Posteriormente, o Renacemento espallouse e tivo un importante impacto en Roma, que foi ornamentada con algúns edificios no estilo antigo, e despois fortemente reconstruída polos papas do século XVI. O cumio do movemento deuse a fins do século XV, mentres os invasores estranxeiros sumían á rexión no caos. Non obstante, as ideas e ideais do renacemento difundíronse polo resto de Europa, posibilitando o Renacemento nórdico, centrado en Fontainebleau e Antuerpen, e o Renacemento inglés.

O Renacemento italiano é ben coñecido polos seus logros culturais. Isto inclúe creacións literarias con escritores como Petrarca, Castiglione, e Machiavelli, obras de arte de Michelangelo e Leonardo da Vinci, e grandes obras de arquitectura, coma a catedral metropolitana de Santa María del Fiore en Florencia e a Basílica de San Pedro en Roma.

Notas editar

  1. Burke, P., The European Renaissance: Centre and Peripheries (1998)
  2. Sée, Henri. University of Rennes, ed. "Modern Capitalism Its Origin and Evolution" (PDF). Batoche Books. Arquivado dende o orixinal (PDF) o 07 de outubro de 2013. Consultado o 29 de agosto de 2013. 

Véxase tamén editar

Outros artigos editar

Bibliografía editar

  • Baron, Hans. The Crisis of the Early Italian Renaissance: Civic Humanism and Republican Liberty in an Age of Classicism and Tyranny. Princeton: Princeton University Press, 1966.
  • Burckhardt, Jacob (1878), The Civilization of the Renaissance in Italy, trans. S.G.C Middlemore [1] Arquivado 09 de decembro de 2012 en Archive.is
  • Burke, Peter. The Italian Renaissance: Culture and Society in Italy Princeton: Princeton University Press, 1999.
  • Capra, Fritjof. (2008), The Science of Leonardo. Inside the Mind of the Great Genius of the Renaissance. Doubleday ISBN 978-0-385-51390-6
  • Cronin, Vincent
  • Hagopian, Viola L. "Italy", in The New Grove Dictionary of Music and Musicians, ed. Stanley Sadie. 20 vol. Londres, Macmillan Publishers Ltd., 1980. ISBN
  • Hay, Denys. The Italian Renaissance in Its Historical Background. Cambridge: Cambridge University Press, 1977.
  • Jensen, De Lamar (1992), Renaissance Europe
  • Jurdjevic, Mark. "Hedgehogs and Foxes: The Present and Future of Italian Renaissance Intellectual History," Past & Present 2007 (195): 241-268, Shows Humanism has been the main concern of historians recently; Discusses the works of William Bouwsma, James Hankins, Ronald Witt, Riccardo Fubini, Quentin Skinner, J. A. Pocock, and Eric Nelson.
  • Lopez, Robert Sabatino, The Three Ages of the Italian Renaissance Charlottesville: University Press of Virginia, 1970.
  • Pullan, Brian S. History of Early Renaissance Italy. Londres: Lane, 1973.
  • Raffini, Christine, Marsilio Ficino, Pietro Bembo, Baldassare Castiglione: Philosophical, Aesthetic, and Political Approaches in Renaissance Platonism. Renaissance and Baroque Studies and Texts, v.21, Peter Lang Publishing, 1998. ISBN 0-8204-3023-4

Ligazóns externas editar