Rata de auga común
A rata de auga común (Arvicola sapidus) é unha especie de roedor da familia Cricetidae. Tamén se lle chama luria,[2] leirón ou lirio[3] (os dous últimos nomes tamén designan o Elyomis quercinus, que é doutra familia e co que non se debe confundir). É un gran cricétido anfibio de gran parte de Francia, España e Portugal, incluíndo Galicia. Aínda que historicamente era considerado un membro da mesma especie que Arvicola amphibius, Musser e Carleton (2005) consideran que son distintos.[4] Está listado na Lista Vermella da IUCN como vulnerable debido a moitas das mesmas razóns que para a rata de auga setentrional.[1]
| Rata de auga común | |||||||||||||||||
|---|---|---|---|---|---|---|---|---|---|---|---|---|---|---|---|---|---|
| |||||||||||||||||
| Estado de conservación | |||||||||||||||||
 Vulnerable[1] | |||||||||||||||||
| Clasificación científica | |||||||||||||||||
| |||||||||||||||||
 Mapa de distribución de Arvicola sapidus.
| |||||||||||||||||
| Sinonimia | |||||||||||||||||
| |||||||||||||||||
Características editar
Pesa entre 150 e 280 gramos e ten as orellas pequenas. O seu corpo mide entre 16 e 23 cm, a cola mide 12 cm por termo medio. A pelame é castaña escura sobre o dorso, e gris no ventre.
Alimentación editar
É sobre todo herbívoro (fitófago) mais tamén pode comer algún animal acuático (insectos, crías de peixes, anfibios...).
Reprodución editar
As femias poden parir ata cinco veces ao ano, aínda que o normal son dúas. A xestación dura 21 ou 22 días e adoitan ter de 2 a 7 crías por parto. A madurez sexual alcánzase nun pouco mís dun mes. A lonxevidade desta especie é de dous anos.
Distribución editar
Esta especie está presente en Francia, España e Portugal. Trala ameaza da súa desaparición a curto prazo, empendéronse algúns esforzos para salvala, que foron desde campañas de información e sensibilización da xente a cambios nas obras públicas que afectan o seu hábitat e a conservación do seu hábitat.
Uso editar
No delta do Ebro antigamente eran cazadas pola súa carne. Ao ser un roedor que se alimenta de cereais considerábase bo para comer.
Notas editar
- ↑ 1,0 1,1 Rigaux, P., Vaslin, M., Noblet, J.F., Amori, G. & Palomo, L.J. "{{{taxon}}}". Lista Vermella de especies ameazadas. (en inglés). Unión Internacional para a Conservación da Natureza.
- ↑ Definicións no Dicionario da Real Academia Galega e no Portal das Palabras para luria.
- ↑ Definicións no Dicionario da Real Academia Galega e no Portal das Palabras para lirio.
- ↑ Wilson, D.E.; Reeder, D.M., eds. (2005). Mammal Species of the World: A Taxonomic and Geographic Reference (3rd ed.). Johns Hopkins University Press. ISBN 978-0-8018-8221-0. OCLC 62265494.
Véxase tamén editar
| Wikispecies posúe unha páxina sobre: Rata de auga común |
Wikimedia Commons ten máis contidos multimedia na categoría: Rata de auga común  |
Bibliografía editar
- Musser, G. G. and M. D. Carleton. 2005. Superfamily Muroidea. pp. 894–1531 in Mammal Species of the World a Taxonomic and Geographic Reference. D. E. Wilson and D. M. Reeder eds. Johns Hopkins University Press, Baltimore.
Ligazóns externas editar
- Descrición da especie en Proyecto Sierra de Baza Arquivado 02 de xullo de 2018 en Wayback Machine.
- Descrición da especie en Fauna y Flora
- Rastros de rata de auga común. No apartado de rastros de mamíferos do sitioArquivado 30 de outubro de 2011 en Wayback Machine. Barbastella.
- A. sapidus en "Fauna ibérica; mamíferos". Ángel Cabrera Latorre. 1914. Facsímile electrónico.