Rania de Xordania
Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. |
A Raíña Rania de Xordania (Rania Al Abdullah), nada Rania Al-Yassin (en árabe, رانيا العبدالله) é a dona do rei de Xordania, Abdullah II. Naceu en Kuwait, Kuwait, o 31 de agosto de 1970 e é filla de pais palestinos.
| Rania de Xordania | |
|---|---|
 | |
| Raíña consorte de Xordania | |
| 22 de marzo de 1999 | |
| Predecesor | Elizabeth Najeeb Halaby |
| Nacemento | 31 de agosto de 1970 (53 anos) Kuwait, Kuwait |
| Cónxuxe/s | Abdullah II (1993 - ) |
| Descendencia |
|
| Casa real | Haxemita |
| Proxenitores | Dr. Faisal Sidqi Al Yassin Ilham Yassin |
| Na rede | |
| http://www.queenrania.jo/ | |
      | |
Biografía editar
Rania Al-Yassin naceu na Cidade de Kuwait, Kuwait o 31 de agosto de 1970 de pais palestinos de Tulkarm. O seu pai é médico (1934–2022), e é a mediana de tres irmáns. Asistiu ás escolas primaria e secundaria New English School en Kuwait. Despois obtivo un grao en Administración da American University no Cairo. Despois da súa graduación en 1991, traballou en Citigroup e para a compañía Apple na capital xordana. Tamén obtivo un Diploma de Estudos Avanzados da Universidade de Xenebra en Suíza.
Coñeceu ao Rei Abdullah bin Al-Hussein nunha celebración en xaneiro de 1993. Dous meses máis tarde anunciaron a súa relación e o 10 de xuño de 1993 casaron. Tiveron catro fillos: Hussein (28 de xuño de 1994), Iman (27 de setembro de 1996), Salma (26 de setembro de 2000) e Hashem (30 de xaneiro de 2005).
Raíña de Xordania editar
Aínda que o seu home se converteu en rei o 7 de febreiro de 1999, Rania non se converteu en raíña inmediatamente. Foi proclamada raíña polo seu home o 22 de marzo do mesmo ano. Sen esa proclamación, tería ostentado o título de princesa consorte, ao igual que a súa sogra, a princesa Muna Al-Hussein.
Rania é unha defensora dos dereitos das mulleres. Recibiu do seu home o rango honorario de coronel das Forzas Armadas Reais de Xordania o 9 de xuño de 2004. En 2005 foi nomeada a terceira muller máis bela do mundo pola revista Harpers and Queen (que desde novembro de 2005 é coñecida como Harper's Bazaar [1]). Ademais, foi a raíña máis nova do mundo no momento en que coroaron ao seu home.
Rania de Xordania realizou numerosas aparicións públicas, incluíndo unha entrevista para a televisión no programa de Oprah Winfrey o 17 de maio de 2006, onde falou sobre as ideas equivocadas sobre o islam e o rol da muller nesa relixión. En maio de 2000 foi nomeada membro honoraria da clase do 2000 da Academia Deerfield, a Universidade na que estudou o seu esposo. Tamén se encontra na lista das 100 mulleres máis poderosas do mundo segundo Forbes.
Actividades editar
Rania desempeña unha serie de actividades centrándose nos dereitos da muller e dos nenos e representa a Xordania en visitas oficiais e eventos fóra do país.
Organizacións que apoia editar
É patroa das seguintes organizacións ó redor do mundo:
- Global Alliance for Vaccines and Immunisation
- Jordan River Foundation
- Arab Women's Summit
- Arab Academy for Banking and Financial Sciences (AABFS)
- Jordan Cancer Society
- National Team for Family Safety
- National Team for Early Development
- Child Safety Program and Dar Al-Amman
- World Economic Forum
- UN Children's Fund
- The Vaccine Fund
- International Youth Foundation
- FINCA International
- International Osteoporosis Foundation
- Aqua Kilimanjaro
| Predecesor: Elizabeth Najeeb Halaby |
Raíña consorte de Xordania 1999 - Presente 
|
Sucesor: No cargo |