Ramón Parada Justel
Ramón Parada Justel, nado en Esgos o 11 de marzo de 1871 e finado en Ourense o 13 de maio de 1902, foi un pintor galego, pertencente á chamada xeración Doente.
  | |
| Biografía | |
|---|---|
| Nacemento | 1871 Esgos, España |
| Morte | 1902 (30/31 anos) Ourense, España |
| Datos persoais | |
| País de nacionalidade | España |
| Educación | Real Academia de Belas Artes de San Fernando |
| Actividade | |
| Ocupación | pintor |
| Lingua | Lingua castelá |
Traxectoria editar
Estudou o Bacharelato no Instituto da capital provincial entre 1883 e 1888, para ingresar a continuación na Real Academia de San Fernando en Madrid, co número un. O proveito nos estudos artísticos fixo que a Deputación ourensá o pensionase en Roma, cidade á que chegou en 1894. Regresou a Ourense, con estancias en Esgos, dedicándose á pintura paisaxística, vida campesiña e costumes, ademais de pintura histórica e relixiosa dentro das correntes da época. Diversos organismos provinciais, como a Deputación ou o Goberno Civil adquiren obras súas. Regresou a Madrid en 1897. A enfermidade comezouno a minar en 1901, falecendo ao ano seguinte. A súa irmá doou algunhas das súas obras ao Museo Arqueolóxico Provincial de Ourense.
Estilisticamente Parada Justel sitúase no modernismo, aínda que nalgunhas obras paisaxísticas acusa influencias do impresionismo. Foi discípulo de José Garabal Louzao (en Galicia) e de Ferrán (en Madrid)[1].
A súa morte de tuberculose no 1902 con tan só 31 anos de idade, fixo que máis tarde Barreiro e Felipe Bello Piñeiro o encadrasen dentro da xeración Doente.
Obra (selección) editar
- Escrava romana.
- Outra Elena pompeiana.
- O soño de Ezequiel.
- Entrada de Carlos V en Roma.
- Pescador de troitas.
- Outono no monte.
- Outono na ribeira.
- Retrato de Jenaro Carrero.
- Martirio de Santa Eufemia.
- A pega, ou La urraca(1899).
- Zapateiro lembrando certas frases do mitin.
- A familia do anarquista no día da execución (1899).
- Retrato de Serafín Temes (1901).
Galería de imaxes editar
-
Outra Helena pompeiana. -
O recordo das xoias. -
Retratos de Bernardino Temes.
Notas editar
- ↑ José María Moar (1-9-1926). "Ramón Parada Fustel (sic)". El Compostelano (en castelán) (Santiago de Compostela). p. 2. Arquivado dende o orixinal o 15-09-2019. Consultado o 23-05-2019.
Véxase tamén editar
Wikimedia Commons ten máis contidos multimedia na categoría: Ramón Parada Justel  |
Bibliografía editar
- Couselo Bouzas, José (1950). La pintura gallega. A Coruña.
- Lorenzo Rumbao, Belén (1991) Parada Justel. Ourense: Xunta de Galicia - Museo Arqueolóxico Provincial de Ourense
- Pablos, Francisco (1981). Pintores gallegos del Novecientos (en castelán). Fundación P. Barrié de la Maza. ISBN 84-85858-06-9.
- Valle Pérez, José Carlos (2005). A arte galega na Colección Caixanova (en castelán). Faro de Vigo. pp. 32–35. VG-914/05.
Outros artigos editar
Ligazóns externas editar
Pintores de Galicia (2013). TVG. Intervén Díaz Pardo, Marisa Sobrino, Xosé Antón Castro e outros.
