Rafer Alston
Rafer Jamel Alston, nado o 24 de xullo de 1976 en Queens, Nova York, é un ex xogador profesional estadounidense de baloncesto. Participando na posición de base, xogou en seis equipos diferentes da National Basketbal Association (NBA): Milwaukee Bucks, Toronto Raptors, Miami Heat, Houston Rockets, Orlando Magic e New Jersey Nets.
| Rafer Alston | |
|---|---|
 | |
| Posición | Base |
| Dorsal | 11, 24, 12, 1 |
| Altura | 1,88 m (6 ft 2 in) |
| Peso oficial | 86 kg (190 lb) |
| Nacemento | 24 de xullo de 1976 (47 anos) Nova York, NY
|
| Carreira | |
| Instituto | Benjamin N. Cardozo (Nova York) |
| Universidade | Ventura College (1994–1995) Fresno CC (1996–1997) Fresno State (1997–1998) |
| NBA Draft | 1998 / Rolda: 2 / Elección: 39 Por Milwaukee Bucks |
| Tempadas | 1978–2012 |
| Equipo(s) | |
| |
| Estatísticas (NBA) | |
| Puntos | 6 799 (10,1 pp) |
| Rebotes | 1 891 (2,8 pp) |
| Asistencias | 3 202 (4,8 pp) |
| Stats @ Basketball-Reference.com | |
| Premios | |
| |
Traxectoria editar
Alston xogou no baloncesto universitario 3 tempadas: no Ventura College a tempada 1994-95, no Fresno City College a 1996-97, e rematou en Fresno State na 1997-98.
Tras estar no banco a maioría de tempo cando estaba nos Milwaukee Bucks, foi traspasado aos Toronto Raptors.[1] Alí xogou moitos minutos, e xa nos Miami Heat conseguiu xogar coma titular no ano 2004. A súa actuación non foi decepcionante, xa que asinou 12 puntos e 4 asistencias por partido nun equipo moi novo, liderado polo escolta rookie Dwyane Wade, que se clasificou para as semifinais dos playoffs da NBA. Durante esa tempada, nun partido contra os Dallas Mavericks o 26 de marzo, conseguiu unha canastra a falta de tan só 0.5 segundos sobre a presión de Shawn Bradley, para darlle a vitoria a Miami por 119-118. No verán do 2004, asinou outra vez cos Toronto Raptors, pero non conseguiu o que el esperaba.
Alston foi traspasado aos Houston Rockets a cambio do escolta Mike James o 4 de outubro de 2005. A pesar das continuas críticas chegadas dende Toronto pola súa actitude, o adestrador dos Rockets, Jeff Van Gundy, falou co seu irmán Stan Van Gundy, adestrador dos Miami Heat que tivo a Alston durante a tempada 2003-04, sobre a actitude de Alston. A habilidade de Jeff Van Gundy para sacar o mellor de xogadores antes considerados problemáticos ou temperamentais fixo que o corpo técnico dos Rockets fose optimista coa súa fichaxe.[2] Na tempada 2006-07, coma base titular, Alston tivo uns números de 13.3 puntos, 3.4 rebotes, 5.4 asistencias e 1.6 roubos por partido. Rematou a tempada noveno da NBA en roubos, cuarto en triplas anotadas, e 23º en asistencias.[3]
O 12 de novembro do 2008, Alston foi suspendido con dous partidos por unha pelexa tras unha falta non pitada con Matt Barnes e Steve Nash.[4] Alston foi traspasado aos Orlando Magic nun traspaso a tres bandas o 19 de febreiro de 2009,[5] e substituíu o mancado Jameer Nelson no quinteto titular. O 30 de abril de 2009, Alston anotou 21 puntos e repartiu 10 asistencias para axudar a Orlando a gañar aos Philadelphia 76ers por 4-2 na primeira rolda dos playoffs. Despois, os Magic gañarían aos Boston Celtics e aos Cleveland Cavaliers para chegar ás finais da NBA, onde perderon contra Los Angeles Lakers.
O 25 de xuño do 2009, foi traspasado aos New Jersey Nets xunto a Tony Battie e Courtney Lee a cambio de Vince Carter e Ryan Anderson.[6] Conseguiu a súa primeira tripla dobre como xogador dos New Jersey Nets na tempada 2009-2010. O 5 de xaneiro do 2010, os Nets liberaron a Alston para que asinara por outro equipo. O 7 de xaneiro do 2010, asinou polos Miami Heat por segunda vez.[7] Tras ser titular 25 partidos con Miami, foi suspendido indefinidamente o 6 de marzo por perderse un adestramento e un partido.[8] O 13 de marzo do 2010, os Miami Heat ampliaron a suspensión para toda a tempada. Rafer Alston considerou a posibilidade de retirarse. Con todo, aínda xogaría un ano máis na China e outro na D-League antes de tomar difinitivamente a decisión en 2012.
Notas editar
- ↑ [1]
- ↑ [2]
- ↑ "Copia arquivada". Arquivado dende o orixinal o 23 de decembro de 2009. Consultado o 30 de xuño de 2010.
- ↑ http://www.google.com/hostednews/ap/article/ALeqM5gQiCNnFelPNA2Xu_ztYJhpVd8t8AD94ET25O7[Ligazón morta]
- ↑ "Magic to acquire Alston in 3-team deal". ESPN.com. Consultado o 2009-02-19.
- ↑ "Nets Acquire Rafer Alston, Tony Battie and Courtney Lee from Orlando". NBA.com. 2009-06-25. Consultado o 2009-06-27.
- ↑ Heat sign Alston off waivers, ESPN
- ↑ "Heat Suspend Rafer Alston Indefinitely". Arquivado dende o orixinal o 22 de marzo de 2010. Consultado o 30 de xuño de 2010.
Véxase tamén editar
Ligazóns externas editar
- Ficha do xogador na NBA
- Estatísticas en Basketball-Reference Arquivado 25 de novembro de 2015 en Wayback Machine.
- Todo sobre Rafer Alston, Skip To My Lue Arquivado 15 de abril de 2009 en Wayback Machine. Traxectoria, estatísticas NBA, logros persoais e galería de fotos de Rafer Alston