Wikipedia

Rafael Sabatini

escritor italiano (1875–1950)


Rafael Sabatini, nado en Jesi o 29 de abril de 1875 e finado en Adelboden o 13 de febreiro de 1950 foi un escritor británico de orixe italiana, autor de novelas, de aventuras e amores, de moito éxito na súa época.

Infotaula de personaRafael Sabatini

(1924) Editar o valor em Wikidata
Biografía
Nacemento29 de abril de 1875 Editar o valor em Wikidata
Jesi (Reino de Italia) Editar o valor em Wikidata
Morte13 de febreiro de 1950 Editar o valor em Wikidata (74 anos)
Wikon (Suíza) Editar o valor em Wikidata
Datos persoais
País de nacionalidadeItalia (1946–1950)
Reino de Italia (1875–1946)
Reino Unido de Gran Bretaña e Irlanda
Reino Unido Editar o valor em Wikidata
Actividade
Ocupaciónescritor , guionista , novelista , tradutor , escritor de ciencia ficción Editar o valor em Wikidata
LinguaLingua inglesa Editar o valor em Wikidata
Obra
Obras destacables
Arquivos en
IMDB: nm0754581 Allocine: 84005 Allmovie: p314477 IBDB: 8226
Find a Grave: 13781901 Editar o valor em Wikidata

Traxectoria editar

Naceu na provincia de Ancona, na Italia central, de nai inglesa e pai italiano. Os pais eran antigos cantantes de ópera que se converteran en profesores. O neno Rafael viviu en contacto con moitas linguas, vivindo co seu avó en Inglaterra, e foi á escola en Portugal, mais tamén pasou algúns períodos en Suíza. Aos dezasete anos volveu a Inglaterra.

Tras unha breve experiencia no mundo dos negocios, Sabatini mirou á literatura, escolleu o inglés como lingua literaria xa que na súa opinión "As mellores historias escríbense en inglés"[1]; na década de 1890 escribiu contos, e en 1902 apareceu a súa primeira novela. Pero tardou máis dun cuarto de século antes de alcanzar o éxito, grazas a Scaramouche, publicado en 1921. Esta brillante novela sobre a Revolución Francesa converteuse nun éxito de vendas; Captain Blood de 1922 tivo o mesmo éxito e tamén se reeditaron as súas obras anteriores, acadando tamén moito éxito The Sea Hawk, orixinalmente publicada en 1915. Sabatini, foi un prolífico escritor, capaz de escribir un libro cada ano e aínda que as súas obras posteriores non acadaron o éxito das anteriores, mantivo un alto nivel de popularidade entre os lectores. En total, Sabatini escribiu trinta e unha novelas, oito coleccións de contos, seis libros de non ficción e mais unha peza teatral. As súas novelas máis famosas foron The Sea Hawk (1915), sobre a armada española e os piratas da Costa Berberisca; Scaramouche (1921), que se desenvolve durante a Revolución Francesa e na que o protagonista, un fuxitivo, únese a unha compañía de comediantes; Captain Blood (1922), na que o protagonista é o almirante dun buque da frota pirata e Bellarion the Fortunate (1926), sobre un arteiro neno inmerso na política italiana do século XV . De varias das súas novelas fixéronse versións cinematográficas. Rex Ingram realizou Scaramouche (1923) protagonizada por Ramón Novarro; The Sea Hawk (1924) dirixiuna Frank Lloyd e protagonizouna Milton Sills. Da versión cinematográfica de Captain Blood (1924), con J. Warren Kerrigan como protagonista só se conserva unha copia incompleta. O filme sonoro The Black Swan (1942) protagonizárono Tyrone Power e Maureen O'Hara.

Narrativa editar

 
A portada da edición de 1922 de Captain Blood
  • The Lovers of Yvonne ou The Suitors of Yvonne) (1902)
  • The Tavern Knight (1904)
  • Bardelys the Magnificent (1905)
  • The Trampling of the Lilies (1906)
  • Love-At-Arms: Being a narrative excerpted from the chronicles of Urbino during the dominion of the High and Mighty Messer Guidobaldo da Montefeltro (1907)
  • The Shame of Motley (1908)
  • St. Martin's Summer (1909)
  • Mistress Wilding ou Anthony Wilding (1910)
  • The Lion's Skin (1911)
  • The Justice of the Duke (1912)
  • The Strolling Saint (1913)
  • The Gates of Doom (1914) -
  • The Sea Hawk (1915)
  • The Banner of the Bull (1915)
  • The Snare (1917)
  • Scaramouche (1921)
  • Captain Blood ou Captain Blood His Odyssey (1922)
  • Fortune's Fool) (1923)
  • The Carolinian (1924)
  • Bellarion the Fortunate (1926)
  • The Nuptials of Corbal (1927)
  • The Hounds of God (1928)
  • The Romantic Prince (1929)
  • The Reaping (1929)
  • IThe King's Minion ou The Minion (1930)
  • Scaramouche the King-Maker (1931)
  • Captain Blood Returns ou The Chronicles of Captain Blood (1931)
  • The Black Swan (1932)
  • The Stalking Horse (1933)
  • Venetian Masque (1934)
  • Chivalry (1935)
  • The Fortunes of Captain Blood (1936)
  • Scaramis (1936)
  • The Lost King (1937)
  • The Sword of Islam (1939)
  • The Marquis of Carabas o Master-At-Arms (1940)
  • Columbus (1941)
  • King In Prussia ou The Birth of Mischief) (1944)
  • Turbulent Tales (1946)
  • The Gamester (1949)

Teatro editar

  • The Tyrant: An Episode in the Career of Cesare Borgia, a Play in Four Acts  (1925)

Ensaio editar

  • The Life of Cesare Borgia) (1912)
  • Torquemada and the Spanish Inquisition (1913)
  • The Historical Nights' Entertainment (1917)
  • Heroic Lives (1934)

Notas editar

  1. ↑ Knight, Jesse F. e Darley, Stephen (2010). The Last of the Great Swashbucklers: A Bio-Bibliography of Rafael Sabatini. New Castle: Oak Knoll. ISBN 978-1-58456279-5
Traído desde «https://gl.wikipedia.org/w/index.php?title=Rafael_Sabatini&oldid=4952070»