Rafael Catalá Polo

político español

Rafael Catalá Polo, nado en Madrid o 21 de xuño de 1961,[1] é un político e alto funcionario español. Foi ministro de Xustiza entre 2014 e 2018.

Rafael Catalá Polo
Nome completoRafael Catalá Polo
Nacemento21 de xuño de 1961
Lugar de nacementoMadrid
NacionalidadeEspaña
Alma máterUniversidade Complutense de Madrid
Ocupaciónpolítico, funcionario e avogado
PremiosGran Cruz da Orde de Isabel a Católica, Gran Cruz da Orden de Carlos lll e Gran Cruz da Orde de San Raimundo de Peñafort
Na rede
IMDB: nm7484859 Editar o valor em Wikidata
editar datos en Wikidata ]

Biografía editar

Formación e carreira profesional editar

Licenciado en Dereito pola Universidade Complutense de Madrid, en 1985 ingresou por oposición no Corpo Superior de Administradores Civís do Estado.

Durante a súa carreira administrativa exerceu os postos de Subdirector Xeral de Ordenación e Política de Recursos Humanos no Ministerio de Sanidade e Consumo (1988-1992). En 1992 incorpórase a AENA, Organismo no que exerce como Director de Planificación e Desenvolvemento de Recursos Humanos, Director de Relacións Laborais e Director de Administración e Servizos de Navegación Aérea. Tamén exerceu ata o ano 2011 como secretario xeral de Codere, empresa do sector do xogo.[2]

Carreira política editar

Tras a vitoria electoral do Partido Popular, en 1996, o Consello de Ministros nomeouno Director Xeral da Función Pública do Ministerio de Administracións Públicas, daquela encabezado por Mariano Rajoy.

En xaneiro de 1999 foi nomeado Director Xeral de Persoal e Servizos do Ministerio de Educación e Cultura, e entre maio de 2000 e xullo de 2002 foi Subsecretario do Ministerio de Facenda. Entre os anos 2002 e 2004 foi Secretario de Estado de Xustiza no Departamento que dirixía José María Michavila.

Tras as eleccións xerais de 2004 ocupouse da xerencia do Hospital Ramón y Cajal de Madrid. Ademais dende 2005 foi director do máster de Administración Pública de Esade e membro do Consello Social da UNED.[3]

O 23 de decembro de 2011 o Consello de Ministros nomeouno Secretario de Estado de Planificación e Infraestruturas do Ministerio de Fomento,[4] a proposta da súa titular Ana Pastor Julián.

Tras a dimisión presentada por Alberto Ruiz-Gallardón, o 23 de setembro de 2014 foi sinalado como sucesor para ocupar o cargo de ministro de Xustiza.[5] O seu nomeamento foi publicado o 29 de setembro de 2014,[6] día en que tomou posesión do cargo.[7]

Notas editar

Véxase tamén editar

Predecesor:
Fernando Díez Moreno
 
Subsecretario de Facenda de España

2000-2002
Sucesor:
Francisco Uría Fernández
Predecesor:
José María Michavila
 
Secretario de Estado de Xustiza de España

2002-2004
Sucesor:
Luis López Guerra
Predecesor:
Víctor Morlán
 
Secretario de Estado de Infraestruturas,
Transporte e Vivenda de España

2011-2014
Sucesor:
Julio Gómez Pomar
Predecesor:
Alberto Ruiz-Gallardón
(en funcións, Soraya Sáenz de Santamaría)
 
Ministro de Xustiza de España

2014-2018
Sucesor:
Dolores Delgado
Predecesor:
Ana Pastor Julián
 
Ministro de Fomento de España
en funcións

2016-2016
Sucesor:
Íñigo de la Serna