Río Magre
O Magre (en castelán Magro) é un río do País Valenciano, afluente importante do Xúcar, xunto co Cabriel e mais o río de Albaida. A súa lonxitude é de 130 km.
| Río Magre | |
|---|---|
 Encoro de Forata no río Magre | |
| País | España |
| Nacemento | Serra de Utiel |
| Altitude | 1.100 msmn |
| Lonxitude | 130 km |
| Conca | 1543,7 km² |
| Caudal medio | 0.91 m³/s |
| Desembocadura | Río Xúcar |
Curso editar
O Magre nace no planalto de Utiel a 1.100 msnm, ao sur de Camporrobles, pasa polas localidades de Utiel e Requena ( ambas dúas na comarca da Plana de Utiel) cun caudal escaso e entra na Foia de Bunyol e na Ribera Alta, onde pasa por Real de Montroi, Alfarb e Carlet, para desembocar no Xúcar máis abaixo de Algemesí, pola que tamén é denominado como a rambla de Algemesí. A súa conca comprende unha área de 1.543,7 km².
Afluentes editar
- Rambla de la Torre
- Río Madre
- Río Millares
- Río de Buñol
- Rambla de L'Algobar
Explotación editar
Cáptanse augas do Magre con intensidade para regadíos desde o seu curso alto. No concello de Iàtova (ou Yátova en castelán), no curso medio, en zona de gran desnivel, está contido por medio do encoro de Forata. O uso para iirigación e a presa ten evitado os efectos dos fortes desbordamentos do río, característicos en tempos pasados, e evidente na grande anchura do seu leito (a maior parte do tempo seco) no tramo final onde chega a alcanzar máis de 200 m.
Protección editar
Augas abaixo do encoro de Forata está situado a Paraxe Natural de Tabarla, de recente declaración pola Generalitat Valenciana (2007).