Río Carrión

O Carrión é un río de España, que discorre integramente pola provincia de Palencia. É afluente do río Pisuerga, que á súa vez flúe pola marxe esquerda ao río Douro, e que discorre pola comunidade autónoma de Castela e León. Nace en Fontes Carrionas, pertencente á rede de Espazos Naturais dentro do Parque Natural das Fontes Carrionas e Fonte Cobre-Montaña Palentina e pasa por Velilla del Río Carrión, Guardo, Saldaña, La Serna, Carrión de los Condes, Monzón de Campos, Palencia, e Villamuriel de Cerrato. Ao final da súa traxectoria únese co río Pisuerga no termo municipal de Dueñas.

Carrión
O Carrión no seu paso por Palencia.
País	Castela e León España
Nacemento	Fontes Carrionas
Altitude	2.220 m
Lonxitude	179 km
Caudal medio	657 hm³/ano; 20'83 m³/s
Desembocadura	Río Pisuerga

Na súa conca construíronse o encoro de Camporredondo e o encoro de Compuerto. A súa principal curiosidade é que a pesar dos seus 179 km de lonxitude todo o seu percorrido forma parte da provincia de Palencia.