Quark fondo

Quark fondo (b)
Clasificación
Partícula elemental
Fermión
Quark
Terceira xeración
Quark fondo
Propiedades
Masa:	≈7,13 · 10−27 kg (no esquema de mínima subtracción) ≈4.19 GeV/c2 (no esquema de mínima subtracción)
Carga eléctrica:	−⅓ e
Carga de cor:	Cor
Spin:	${\frac {1}{2}}\hbar$
Vida media:	Inestable (descoñecido)
Antipartícula:	Antiquark fondo (${\bar {b}}$)
Interacciona con:	Gravidade Interacción débil Electromagnetismo Interacción forte

O quark fondo (ou quark b do inglés "bottom quark") é unha partícula elemental que pertence á terceira xeración de quarks. Ten unha carga eléctrica igual a −⅓ da carga elemental e un spin de ½, co cal é un fermión e cumpre o principio de exclusión de Pauli. Como os demais quarks, o quark fondo ten carga de cor, e o antiquark fondo ten carga de anticor; senten a interacción forte.

Características

É o segundo quark máis masivo do modelo estándar, cunha masa dunhas catro veces a do protón. Isto dálle un comportamento peculiar dentro da cromodinámica cuántica, que o fai máis fácil de detectar e medir as súas propiedades experimentalmente, sobre todo nos mesóns que forma. Tamén é relativamente fácil de experimentar con el debido a que case sempre aparece nas desintegracións do quark cume, e con bastante frecuencia na desintegración do bosón de Higgs, se é o suficientemente lixeiro.

Foi descuberto no Fermilab (Chicago), en 1977 e posteriormente confirmado en Doris (Hamburgo). No descubrimento, os científicos quixeron chamalo "quark beleza" (Beauty), pero ao final quedou en fondo (Bottom). O achado non resultou inesperado xa que en 1975 descubriuse a partícula tau polo que se pensou que se había tres familias de leptóns debería haber tamén tres xeracións de quarks.

O quark fondo debe ter unha vida media curta, como os leptóns da terceira xeración. A única evidencia é que forma hadróns que se desintegran pronto, pero a vida media do propio quark é moi difícil de medir debido a que se atopa confinado (confinamento da cor).

Este quark dota aos hadróns que forma cun número cuántico chamado 'inferioridade' (tradución de "bottomness"), que se define como o número de antiquarks fondo menos o número de quarks fondo que o forman.

Hadróns que conteñen quarks fondo

Todos os tipos de mesóns B, cargados e neutros, están formados por un quark fondo (ou o antiquark) e un quark arriba ou abaixo. Os${\displaystyle }$ mesóns B encantados e estraños están formados polo quark fondo e un quark encantado ou estraño respectivamente.

O mesón ípsilon, tamén coñecido como 'fondonio' (tradución de bottomonium), está formado polo quark e o antiquark fondo.

O único barión coñecido cun quark fondo é o lambda neutro inferior.

Véxase tamén

Bibliografía

• L. Lederman (1978). "The Upsilon Particle". Scientific American 239 (4): 72. doi:10.1038/scientificamerican1078-72. , (en inglés).
• R. Nave. "Quarks". HyperPhysics. Georgia State University, Department of Physics and Astronomy. Consultado o 2008-06-29. , (en inglés).
• A. Pickering (1984). Constructing Quarks. University of Chicago Press. pp. 114–125. ISBN 0-226-66799-5. , (en inglés).
• J. Yoh (1997). "The Discovery of the b Quark at Fermilab in 1977: The Experiment Coordinator's Story" (PDF). Proceedings of Twenty Beautiful Years of Bottom Physics. Fermilab. Consultado o 2009-07-24. , (en inglés).

Outros artigos

• Quark
• Interacción nuclear forte
• Gluón

Ligazóns externas

• History of the discovery of the bottom quark / Upsilon mesonArquivado 24 de agosto de 2017 en Wayback Machine., (en inglés).

Partículas fundamentais en Física (lista, táboa)
Fermións						Bosóns de Gauge
Quarks			Leptóns			Bosóns W e Z	Fotón	Gluón
Arriba	Encantado	Cume	Electrón	Muón	Tau (tauón)	Bosóns hipotéticos
Abaixo	Estraño	Fondo	e-neutrino	μ-neutrino	τ-neutrino	Gravitón    Bosón de Higgs
Outras clases, partículas compostas e outras
barión - gravitino - hadrón - kaón - mesón - neutrón - pión - positrón - protón
Termos relacionados
antimateria - partícula subatómica