Presidente de Israel
O Presidente de Israel (en hebreo, נְשִׂיא הַמְּדִינָה, Nesí Hamediná) é o Xefe de Estado de Israel. Como adoita ser habitual nas repúblicas parlamentarias, o cargo ten función protocolaria,[1] quedando o poder executivo en mans do primeiro ministro. O Parlamento ou Knesset elixe ao presidente por maioría simple para un único período de sete anos.
| Presidente de Israel נְשִׂיא הַמְּדִינָה (en hebreo: עברית) | |
|---|---|
 | |
 | |
| Residencia | Beit HaNassi Xerusalén |
| Duración | 7 anos |
| Creación | 16 de febreiro de 1949 |
| Sitio web | [1] |
No ano 2007 Dalia Itzik ocupou o cargo de forma interina substituíndo a Moshe Katsav, que dimitiu.
Presidentes do Estado de Israel
| # | Nome | Desde | Ata | Partido político | ||
|---|---|---|---|---|---|---|
| 1 | 
|
Chaim Weizmann | 17 de maio de 1948 | 9 de novembro de 1952 | Sionistas Xerais | |
| 2 | 
|
Itzhak Ben-Zvi | 8 de decembro de 1952 | 23 de abril de 1963 | Mapai | |
| 3 | 
|
Zalman Shazar | 21 de maio de 1963 | 24 de maio de 1973 | Mapai | |
| 4 | 
|
Efraim Katzir | 24 de maio de 1973 | 19 de abril de 1978 | Laborista | |
| 5 | 
|
Yitzhak Navon | 19 de abril de 1978 | 5 de maio de 1983 | Mapai | |
| 6 | 
|
Chaim Herzog | 5 de maio de 1983 | 13 de maio de 1993 | Laborista | |
| 7 | 
|
Ezer Weizman | 13 de maio de 1993 | 13 de xullo de 2000 | Laborista | |
| 8 | 
|
Moshe Katsav | 1 de agosto de 2000 | 1 de xullo de 2007 | Likud | |
| 9 | 
|
Shimon Peres | 15 de xullo de 2007 | 24 de xullo de 2014 | Kadima | |
| 10 |
|
Reuven Rivlin | 24 de xullo de 2014 | 9 de xullo de 2021 | Likud | |
| 11 | 
|
Isaac Herzog | 9 de xullo de 2021 | no cargo | Likud | |
Todos os presidentes de Israel que accederon ao cargo desde a política, desde Jaim Weizmann até o seu sobriño Ezer Weizman, foron membros ou estiveron conectados co Partido Laborista Israelí. Moshé Katsav, foi o primeiro membro do Likud que accedeu á presidencia do Estado de Israel. Shimon Peres, foi membro do partido laborista e pertenceu ao partido Kadima.
Funcións editar
O presidente do Estado de Israel mantén o antigo título de xefe do Sanedrín, é dicir, a entidade xudicial suprema do pobo xudeu na Terra de Israel durante os tempos antigos.[1]
Case todas as funcións da presidencia son protocolarias e formais.[1] É función do presidente chamar a un membro da Knesset (Parlamento) para que inicie o proceso de formación dun novo goberno tras as eleccións, ou ben pola renuncia do goberno anterior. Tamén é a súa función aceptar as credenciais dos embaixadores estranxeiros, asinar tratados e leis aprobadas pola Knesset. Tamén é tarefa do presidente o nomeamento de xuíces, do gobernador do Banco de Israel e dos xefes de misións diplomáticas no estranxeiro, todo iso de acordo coas recomendacións do organismo correspondentes.
O presidente do Estado de Israel, asesorado polo ministro de Xustiza, ten capacidade para conceder indultos a presos e conmutar penas.
Notas editar
- ↑ 1,0 1,1 1,2 The Presidency in Israel Arquivado 08 de febreiro de 2018 en Wayback Machine. President of Israel
Véxase tamén editar
Wikimedia Commons ten máis contidos multimedia na categoría: Presidente de Israel  |