10ª edición dos Premios Mestre Mateo

A 10ª edición dos Premios Mestre Mateo galardoou ás producións audiovisuais de Galicia de 2011 e celebrouse o 28 de abril de 2012. Durante a cerimonia, a Academia Galega do Audiovisual presentou os Premios Mestre Mateo en 28 categorías. A cerimonia celebrouse no auditorio Gaviota do Palacio de Exposicións da Coruña (Palexco).

Palacio de Exposicións da Coruña (Palexco), onde se celebrou a gala.

O martes 6 de marzo de 2012, nun acto celebrado no Centro Ágora da Coruña. Ese ano, a gala levou por título Crise, que crise? debido ás dificultades engadidas que están a teren as industrias do cinema e da televisión galegas para seguiren facendo produción de calidade en plena recesión económica.

A Gala dos PMM11

Desenvolvemento

Ao evento acudiron máis de 900 persoas, para celebrar a festa do audiovisual galego, nunha época de boa saúde creativa. A actriz María Castro foi unha das máis celebradas da noite por levar o peso de gran parte da gala, que resolveu con monólogos, números musicais e moito humor durante dúas horas e media.

Tanto a Academia Galega do Audiovisual, organizadora dos premios, como o director da gala, Ángel de la Cruz, enfocaron esta noite de sábado como unha noite de celebración, de reivindicación e de unión, na que tanto os integrantes da Academia como os 107 finalistas pasaron pola alfombra vermella con ganas de compartir os éxitos propios e os dos seus compañeiros. Os finalistas tamén posaron no photocall da entrada do Palexco, e os gañadores volveron fotografarse despois, coa súa estatuíña.

Entre os proxectos con máis candidaturas nesta edición destacaban a serie de televisión Matalobos, finalista en 15 categorías; a longametraxe de ficción Doentes, en 13; a longametraxe de animación Engurras, en 8; a longametraxe documental Tralas Luces, en 6, e a longametraxe para televisión Eduardo Barreiros, o Henry Ford galego, tamén finalista en 6 categorías.

Na gala entregáronse galardóns en 28 categorías, para as que estaban nomeados 107 profesionais. Cada un dos gañadores recibiu a súa estatuíña de mans dunha parella de artistas convidados, que entregaron cada unha delas en tres premios a tres categorías distintas. Foron en total dez parellas, ademais da encargada de recibir ao Premio de Honra Fernando Rey. No medio de cada unha das intervencións intercaláronse diversas actuacións musicais, sketchs e monólogos, para facer desta festa do audiovisual galego unha noite de entretemento.

Entre as parellas encargadas de entregar os premios figuraban algunhas das caras máis coñecidas da televisión e a escena galegas, como Luís Tosar, Roberto Vilar, Beatriz Manjón, Xosé Manuel Olveira "Pico", Isabel Blanco, María Mera, Pedro Alonso ou Isabel Risco. Así mesmo, pasaron polo escenario da Gala dos Premios Mestre Mateo outros actores e actrices galegos, máis coñecidos polo seu traballo a nivel estatal, como Javier Gutiérrez, que encarna ao entrañábel "Satur" en Águila Roja, David Seijo, que é "Ramiro" na serie El Barco, ou o presentador Fernando González "Gonzo".

Mediada a gala, as produtoras Emma Lustres e Fernanda del Nido, en nome da Academia Galega do Audiovisual, fixéronlle entrega do Premio de Honra Fernando Rey a Dolores Ben, á que se lle outorgou pola súa decidida aposta polo audiovisual do país, que vén demostrando nos últimos 20 anos de traballo a prol do sector.

Os discursos

A gala estivo repleta de discursos reivindicativos por parte dos organizadores, dos gañadores e do propio guión de Ángel de la Cruz, interpretado por María Castro. Todos os que fixeron uso da palabra pediron que non se deixe de lado o sector do audiovisual, e que se faga unha política pública consensuada co sector.

A maioría dos galardoados coincidiron en solicitar ás institucións públicas que se siga a apoiar a produción propia, posto que o audiovisual é un sector estratéxico que xera moitos postos de traballo e sentido de pais.

Antonio Mourelos, presidente da Academia, destacou no seu discurso que non foi doado cumprir os 10 anos de existencia da institución, pero non quixo volver a insistir no talento, profesionalidade e creatividade do sector do audiovisual galego, porque "estamos cansos de ir de despacho en despacho para dicir que somos un sector importante que da traballo a moita xente, quen o ten que saber xa o sabe e se non fai nada porque non quere ou porque non lle deixan". Aínda que Mourelos recoñeceu que tamén hai que facer autocrítica para ter cada vez producións de máis cualidade e buscar investimento aquí e fóra. "Digámoslle a quen corresponda que a cultura importa", rematou.

Pola súa banda, Dolores Ben, premio de honra Fernando Rey deste ano, agradeceu o recoñecemento dicindo que supón un estímulo para seguir traballando. "O audiovisual é un sector estratéxico, cheo de xente nova e con talento, que son o futuro", afirmou. "Ten que facerse unha política de audiovisual clara e consensuada co sector para poder superarmos a situación actual", engadiu na mesma liña que moitos dos galardoados esta edición.

Actuacións musicais

Este ano a dirección dos premios apostou polos números musicais, o humor, a autocrítica e, tamén, pola esperanza ante o futuro do audiovisual galego porque "o talento non está en crise". "Oliver Twist", interpretada por máis de 50 nenos e nenas; "Pennies from heaven" por María Castro; "Se eu fora rico", por Luís Tosar e o "Aquarius" do musical dos anos 60 Hair pola presentadora, foron os pratos musicais da noite, que repasou cunha ollada ácida, pero tamén optimista, as crises máis importantes dos últimos séculos, desde a Revolución Industrial do século XIX até a presente, tendo claro que toda crise pasada foi sempre peor.

Presenza institucional

Os principais representantes das institucións públicas e privadas que estiveron presentes na gala foron o conselleiro de Cultura e Educación, Xesús Vázquez Abad, o alcalde da Coruña, Carlos Negreira, os portavoces do grupo socialista, Francisco Cerviño e do grupo nacionalista, Ana Pontón, a concelleira de Cultura da Coruña, María Fernández, o deputado do BNG, Francisco Jorquera, o director xerente do Consorcio Audiovisual, Anxo Quintanilla, a concelleira de Cultura de Ourense, Isabel Pérez, a vicepresidenta 2ª da Academia Española de Cine, Judith Collel e o representante da Academia de Cine Catalá, Xavi Lite, entre outros.

Premios

Os gañadores son os que aparecen en primeiro lugar e destacados en letra grosa.

Antonio Durán "Morris", mellor actor.

Antonio Mourelos, mellor actor secundario.

Roberto Vilar, mellor comunicador.

Dolores Ben, premio de honra Fernando Rey.

Mellor filme	Mellor director
Doentes – Gustavo Balza A casa da luz – Carlos Amil Serantes Secuestrados – Miguel Ángel Vivas Sinbad – Antón Dobao	Sandra Sánchez – Tralas luces Gustavo Balza – Doentes Ignacio Ferreras – Engurras Simón Casal de Miguel – Eduardo Barreiros, o Henry Ford galego
Mellor filme de animación	Mellor filme para televisión
Engurras – Perro Verde Films S.L., Cromosoma S.A., Elephant in the Black Box e TVG Copito de nieve – Producións A Fonsagrada, Castelao Pictures, MUF Animation e Utopía Global	Eduardo Barreiros, o Henry Ford galego – Continental Producciones, Salero Films e TVG Emilia Pardo Bazán, a condesa rebelde – Zenit Televisión e TVG A pesar de todo, quérote – Adivina Producións en conprodución con TVG As reliquias do Santo – Bren Entertainment e TVG
Mellor actor	Mellor actriz
Antonio Durán "Morris" – Doentes como Cañete Federico Pérez – Era visto! como Moncho Luís Iglesia – Matalobos como Carmelo Matalobos Torreiro Xosé Manuel Olveira "Pico" – Doentes como Valeriano	Susana Dans – Emilia Pardo Bazán, a condesa rebelde como Emilia Pardo Bazán Luísa Merelas – Matalobos como Carme Torreiro María Bouzas – As reliquias do Santo como Abadesa María Vázquez – Doentes
Mellor actor secundario	Mellor actriz secundaria
Antonio Mourelos – Matalobos como Santiago Freire Ricardo de Barreiro – Matalobos como Mateo Veloso Xabier Deive – Matalobos como Diego Dourado Víctor Fábregas – Era visto! como Lino	Camila Bossa – Matalobos como Adriana Calderón Fina Calleja – Padre Casares como Moncha Marta Larralde – Outro máis como Bea Mela Casal –Sinbad como Aurora
Mellor guión	Mellor realizador
Engurras – Ángel de la Cruz, Ignacio Ferreras, Paco Roca e Rosanna Cechini Matalobos – Alberto Guntín, Daniel D. García e Benigno López Doentes – Roberto G. Méndez e Gustavo Balza Tralas luces – Sandra Sánchez	Matalobos – Marta Piñeiro e Judas Diz Era visto! – Carlos Ares, Xosé Castro e Andrés Mahía Galegos no mundo – Mónica Ares Soño de Nadal – Xaime Fandiño
Mellor obra experimental	Mellor documental
De amor e cantería – Píxel Films e Fundación Manuel María 24 – Filmika Galaika S.L. O Olláparo – Sonia e Miriam Albert Sobrino Ophiusa – Filmika Galaika, S.L.	As silenciadas – Mr Misto Films, S.L. Apash, os de fóra – Tintimán Audiovisual e TVG Estrela na alba, o pensamento político de Castelao – Píxel Films Galicia caníbal – Filmanova
Mellor serie de televisión	Mellor programa de televisión
Matalobos – Voz Audiovisual e TVG Angélica y Roberta – Oroboro Films, Sonia&Sandra e La Panificadora Era visto! – Producións Zopilote Padre Casares – Voz Audiovisual e TVG	Zigzag diario – TVG Galegos no Mundo – Portocabo e TVG Cos pés na terra – Producciones A Fonsagrada e TVG Reporteiros – TVG
Mellor dirección de produción	Mellor dirección artística
Enrique Batet –Doentes Carlos Amoedo – Eduardo Barreiros, o Henry Ford galego Manuel Cristóbal e Helena Fortuny – Engurras Paula Fernández – Matalobos	Alexandra Fernández – Doentes Paco Roca – Engurras Curru Garabal – Sinbad Antonio Pereira e Ángel Amaro – Eduardo Barreiros, o Henry Ford galego
Mellor comunicador de televisión	Mellor montaxe
Roberto Vilar – Land Rober Xosé A. Touriñán – Un soño de Nadal Marcos Pereiro – Un soño de Nadal Marta Doviro – A mochila do viaxeiro	Tralas luces – Sandra Sánchez e Nahum C. Fiuza Doentes – Sandra Sánchez Matalobos – Marisol Torreiro, Pablo Paz e Pablo Muñoz Engurras – Gemma Gassó
Mellor música orixinal	Mellor son
Engurras – Nani García Doentes – Bieito Romero Outro máis – Manu Conde Secuestrados – Sergio Moure	Engurras – Diego S. Staub, Carlos García e Migel Barbosa Tralas luces – Claudio Canedo, Miguel Barbosa e Diego S. Staub Doentes – Carlos Mouriño Matalobos – Alfonso Couceiro, Santi Jul e Iván Laxe
Mellor fotografía	Mellor maquillaxe e peiteado
Doentes – Suso Bello As reliquias do Santo – Alfonso Parra Tralas luces – Sandra Sánchez Matalobos – Xosé Manuel Neira e Xosé Manuel Caamaño	Emilia Pardo Bazán, a condesa rebelde – Mara Collazo e Chicha Blanco Eduardo Barreiros, o Henry Ford galego – Cristina Couto Matalobos – Cristina Couto e Óscar Aramburu Secuestrados – Raquel Fidalgo
Mellor obra interactiva	Mellor produción de publicidade
Area fai seis – Instituto Galego de Consumo (IGC), Editorial Galaxia, Ánxeles Abelleira e Moonbite Titanio y plutonio en el País el ciclograma - Viewpoint Edition – Hipotálamo Films	Colección de cortiniñas TVG – Abano Producións S.L. Esaxeradamente boa – Mondotropo Escuadrón Maloserá. 2º episodio – Congo Producciones S.A. Spot "Unha terra chamada calidade" – Lúa Films
Mellor curtametraxe de imaxe real	Mellor curtametraxe de animación
As damas negras – Sonia Méndez e Oroboro Films Adivina quien viene a comer mañana – Píxel films, Prosopopeya Producciones e Nephilim Producciones Estereoscopía – Xacio Rodríguez Baño La increible historia de Macareno y la Puta Milagrosa – La Tuerka Films	El club del bromista – Luís Usón e Usón Studio 3 kg – Ilusión Media A banda (The Band) – José Luís González Barcel
Mellor deseño de vestiario	Mellor filme documental
Emilia Pardo Bazán, a condesa rebelde – María Gil Doentes – Eva Camino Eduardo Barreiros, o Henry Ford galego – María Fandiño Matalobos – Saturna	Tralas luces – Tic Tac Producciones en coprodución con Lagarto Cine, Ukbar Filmes e TVG Brasil, somos nós – Keltia Producións S.L. e Bossa Nova Films Lois Pereiro, seguindo os surcos – Mr Misto MPH Mann – Senunpeso Producións Audiovisuais, Hermanos Karapatrov e Acrobacias Audiovisuais

Premio de Honra Fernando Rey

• Dolores Ben

Obras máis premiadas

Con 5 premios

• Doentes
  • Longametraxe de ficción
  • Intérprete masculino protagonista
  • Dirección de produción
  • Dirección artística
  • Fotografía
• Engurras
  • Longametraxe de animación
  • Guión
  • Dirección artística
  • Son
  • Música orixinal

Con 4 premios

• Matalobos
  • Serie de TV
  • Interpretación feminina secundaria
  • Interpretación masculina secundaria
  • Realización

Con 3 premios

• Tralas luces
  • Longametraxe documental
  • Dirección
  • Montaxe
• Emilia Pardo Bazán, a condesa rebelde
  • Interpretación feminina protagonista
  • Maquillaxe e peiteado
  • Vestiario

Predecesor: 9ª edición dos Premios Mestre Mateo

Premios Mestre Mateo 10ª edición dos Premios Mestre Mateo

Sucesor: 11ª edición dos Premios Mestre Mateo

Véxase tamén

Ligazóns externas

• Web da Academia Galega do Audiovisual
• Finalistas dos PMM11.
• El Correo Gallego, 29-4-2012 Arquivado 10-05-2012 en Wayback Machine.
• "Matalobos". La Voz de Galicia, 29-4-2012
• "Matalobos" y "Padre casares". La Voz de Galicia, 29-4-2012.