Praza de María Pita

Praza de María Pita; Concello da Coruña
	Pazo do Concello
Tipoloxía	praza
Titular da vía	Concello da Coruña
Dimensións
Lonxitude	99,5 m
Largura	120 m
Área	11144
Formato	rectangular
Localización
Localidade	A Coruña
Código postal	15001
Cómo chegar
Bus
Taxi	Porta Real

Coordenadas: 43°22′15″N 8°23′45″O / 43.3709, -8.39591

A praza de María Pita é o centro neurálxico da cidade da Coruña, e nela atópase a casa do concello no palacio de María Pita.^[1]

Historia editar

A praza foi proxectada polo arquitecto Juan de Ciórraga en 1877^[2] tralo derrubamento da muralla, a fin de resolver o paso da cidade vella para a Pescadería. O recinto foi pavimentado en 1936 e asfaltado na década de 1950 durante o mandato como alcalde de Alfonso Molina. Na década seguinte permitiuse o estacionamento, que non se suprimiu ata 1987, coa construción do aparcadoiro subterráneo e o túnel que implicou a peonalización.^[3]^[4]

Antigamente recibiu o nome de praza de Alesón, Liberdade e Derribo.^[5]

Descrición editar

A praza forma un gran rectángulo de máis de 10 000 m². Nunha das súas frontes atópase o palacio do concello, rodeado polas outras tres partes por edificios porticados e culminados nunhas espléndidas galerías, típicas da arquitectura galega.

A contorna complétase coa estatua a María Pita, que preside a praza mirando para a casa do concello. A súa realización e colocación na praza tivo lugar en 1998.^[6]

Baixo os soportais dos edificios atópanse diferentes locais de hostalería como bares, cafeterías e restaurantes. No exterior destes soportais existen dende 2002^[7] unhas terrazas pechadas e envidradas para a utilización destes locais, que suscitaron moita polémica na súa colocación, polo impacto estético que supón a súa presenza para a contorna monumental da praza.^[8]