Plastic Surgery Disasters
Plastic Surgery Disasters é o segundo álbum da banda de punk rock Dead Kennedys, publicado en novembro de 1982 a través dos selos Alternative Tentacles e Faulty Products. Gravado en San Francisco no mes de xuño de 1982, foi producido polo guitarrista do grupo East Bay Ray e o prolífico produtor de punk rock Thom Wilson. O disco é máis escuro e ten máis influencias hardcore que a súa estrea Fresh Fruit for Rotting Vegetables como resultado do intento da banda de expandir o son e o estado de ánimo que conseguiran co seu sinxelo de 1980 "Holiday in Cambodia".[1] Foi o primeiro álbum en contar co batería D.H. Peligro, e é o favorito do líder Jello Biafra.[2]
Plastic Surgery Disasters | ||||
---|---|---|---|---|
Álbum de Dead Kennedys | ||||
Publicado | novembro de 1982 | |||
Gravación | xuño de 1982 | |||
Estudio(s) | Hyde St. Studios e Möbius Music en San Francisco | |||
Duración | 42:56 | |||
Xénero(s) | hardcore punk, post-punk | |||
Selo(s) | Alternative Tentacles, Faulty Products | |||
Producido por | East Bay Ray, Thom Wilson | |||
Cronoloxía | ||||
| ||||
Foi reeditado co EP In God We Trust, Inc., que son as oito últimas cancións do CD. A fotografía da portada é "Hands", do fotógrafo Michael Wells. A mesma imaxe foi usada por outra banda de punk rock de San Francisco chamada Society Dog para o seu EP .....Off of the Leash, publicado en 1981. A meirande parte das edicións do álbum inclúen un libreto coas letras e pezas de collages de Biafra e Winston Smith ligados ás letras das cancións. Na reedición de 2001 a través do selo Manifesto, o comezo de "Government Flu" está nunha pista separada titulada "Advice from Christmas Past". Tamén hai un erro de escritura no CD de Manifesto onde "Bleed for Me" é titulada "Bleed for". Nas edicións orixinais en casete e vinilo a cara A son os temas 1-8 e a B os temas 9-13. Porén, nalgunhas reedicións en vinilo a cara A vai ata o tema 9 e a B contén o resto.
Plastic Surgery Disasters é un álbum cíclico, o que significa que o derradeiro tema, "Moon Over Marin", continua cara o principio da primeira canción, "Government Flu".
"Moon Over Marin" foi versionada pola banda galega Siniestro Total como "La luna sobre Marín (Moon over Marin)", cara b do sinxelo de 1983 "No somos de Monforte". O tema tamén aparece como canción extra na reedición do seu álbum Siniestro Total II: El Regreso.[3]
Listaxe de cancións editar
Tódolos temas escritos e compostos por Jello Biafra, agás onde se indique.
Cara 1 | |||||||||
---|---|---|---|---|---|---|---|---|---|
N.º | Título | Duración | |||||||
1. | "Government Flu" | 3:01 | |||||||
2. | "Terminal Preppie" | 1:30 | |||||||
3. | "Trust Your Mechanic" | 2:55 | |||||||
4. | "Well Paid Scientist" | 2:21 | |||||||
5. | "Buzzbomb" (Jello Biafra, East Bay Ray) | 2:21 | |||||||
6. | "Forest Fire" | 2:22 | |||||||
7. | "Halloween" (Dead Kennedys) | 3:35 | |||||||
8. | "Winnebago Warrior" (Dead Kennedys) | 2:09 |
Cara 2 | |||||||||
---|---|---|---|---|---|---|---|---|---|
N.º | Título | Duración | |||||||
9. | "Riot" (Dead Kennedys) | 5:57 | |||||||
10. | "Bleed for Me" (Dead Kennedys) | 3:24 | |||||||
11. | "I Am the Owl" (Dead Kennedys) | 4:51 | |||||||
12. | "Dead End" (Ray) | 3:56 | |||||||
13. | "Moon Over Marin" (Biafra, Ray) | 4:29 |
Notas editar
- ↑ "Songwriter Interviews - Jello Biafra". Songfacts. Consultado o 5 de outubro de 2018.
- ↑ "Jello Biafra Walks Us Through his Entire Discography". Punk News. Arquivado dende o orixinal o 31 de xullo de 2018. Consultado o 5 de outubro de 2018.
- ↑ "La luna sobre Marín (Moon over Marin)". Siniestro Total. Arquivado dende o orixinal o 05 de outubro de 2018. Consultado o 5 de outubro de 2018.