Obra de teatro

Unha obra de teatro ou obra teatral é unha forma literaria normalmente constituída por diálogos entre personaxes e cunha certa orde. A obra de teatro ocúpana as personaxes, os diálogos, os parágrafos...

Páxina inicial dunha das comedias de Lope de Vega, co dramatis personae e o inicio do texto.

Á hora de escenificar a obra, os actores deben respectar o guión teatral, obra dun dramaturgo. O director de escena é o encargado de que a obra se cinga ao guión, así como da dirección das interpretacións.

Historia

En Occidente, as obras de teatro en sentido tradicional teñen a súa orixe estrutural na Antiga Grecia, en concreto nos ditirambos dionisíacos e a produción dos pais da dramaturxia grega: Esquilo, Sófocles, Eurípides e Aristófanes.

No século XVIII, obsérvase unha gran variedade de comedias teatrais. O século XIX viu o nacemento do drama romántico, unha mestura de comedia e traxedia. Isto demostra o actual xénero literario da época, o romance, que se opón ao clasicismo. Convértense en populares o vodevil e o melodrama. A finais dese século xorde o drama realista.

Xéneros

Entre os principais xéneros dramáticos están a comedia, a farsa, o melodrama, a traxedia, a traxicomedia e a peza. Tamén poden incluírse os xéneros musicais como a ópera, a opereta e os musicais, e tamén o ballet e a danza, cando neles aparece unha acción dramatizada.