O carro e o home
O carro e o home é un filme documental en branco e negro dirixido por Antonio Román e guionizado entre Xaquín Lorenzo e o propio Antonio Román. Foi rodado en 1940 e estreado en 1945. Finalizada a rodaxe, o filme quedou sen sonorizar. Xaquín Lorenzo gardou unha copia en Ourense que se restaurou e sonorizou en 1980 grazas ó impulso de Eloy Lozano e a colaboración co Museo do Pobo Galego. Carlos Serrano de Osma sonorizou outra copia pola súa conta en 1945.
| O carro e o home | |
|---|---|
| Ficha técnica | |
| Título orixinal | O carro e o home |
| Director | Antonio Román |
| Produtor | Versión restaurada: Eloy Lozano |
| Guión | Xaquín Lorenzo Antonio Román |
| Intérpretes | Narrador: Xaquín Lorenzo "Xocas" |
| Fotografía | Antonio Román |
| Montaxe | Antonio Román Carlos Serrano de Osma |
| Estrea | 1940 |
| Duración | 11 minutos |
| Orixe |  Galicia |
| Xénero | Documental, etnográfico |
| Orzamento | 8 000 ptas[1] |
| Na rede | |
    | |
É un relato da vida do carro galego, na cal interveñen veciños da aldea de Facós, no concello ourensán de Lobeira. Xaquín Lorenzo e Antonio Román achéganse á vida no rural a través do carro, un símbolo da cultura material galega.
Sinopse editar
O carro representa máis que un transporte de labor na Galicia rural. Formaba parte do traballo, da cultura, da paisaxe e do lecer dos labregos. Así, amósase o ciclo de vida dun carro dende a súa construción ata a súa "morte", ademais doutras tarefas da vida cotiá da aldea como a malla ou a confección do liño.
Produción editar
O filme fíxose con poucos medios, aproveitando que Antonio Román tiña a súa propia cámara e unha pequena moviola na casa. Tiña un orzamento de 8.000 ptas (48 euros) que se investiron para levar ó laboratorio os 100 planos dos que se compón.
Galardóns e nomeamentos editar
Notas editar
- ↑ 1,0 1,1 "Culturagalega.org". Arquivado dende o orixinal o 04 de marzo de 2016. Consultado o 27 de marzo de 2013.
Véxase tamén editar
Ligazóns externas editar
- Ficha no soportal do audiovisual galego.
- Ficha na IMDb (en inglés)
- O carro e o home en YouTube