Luotuo Xiangzi

(Redirección desde «O camelo Xian-si»)

Luotuo Xiangzi (chinés tradicional: 駱駝祥子; chinés simplificado: 骆驼祥子; pinyin: Luòtuo Xiángzi; Wade-Giles: Lo4-t'o Hsiang2-tzu) é a máis coñecida das obras do escritor chinés do século XX Lao She.

Luotuo Xiangzi
Autor/aLao She
OrixeRepública Popular da China
Lingualingua chinesa
Xénero(s)novela
Data de pub.1937
editar datos en Wikidata ]

Características editar

A obra foi publicada en 1936 e describe os dramas cotiáns dun rapaz que emigra do campo para a cidade, onde vive de guiar unha 'carriña', medio de transporte tradicional do extremo oriente que consiste nunha pequena cabina de pasaxeiros levada por un ser humano a correr diante, como se fose un cabalo. A obra, como moitas desta época de Lao She, está ambientada no Beixín dos anos vinte.

Como declarara Lao She no seu día, este non é un libro sobre camelos, e si sobre Xiangzi, que é o nome do rapaz, e que significa 'afortunado'. Xiangzi ten por todo obxectivo posuír unha carriña de seu. Porén, malia a boa vontade e a laboriosidade do mozo, a guerra e unha sociedade onde o diñeiro é rei acabarán por arrastralo.

Luotuo Xiangzi considérase fito fundamental na literatura chinesa do século XX. Interpretada como unha acusación do antigo réxime, foi incluída nos manuais escolares e na listaxe de lecturas obrigatorias de distintas rexións chinesas para a boa educación das masas proletarias.

Traducións editar

En galego nunca foi traducido, nin total nin parcialmente.

A primeira versión en inglés foi publicada en 1945 e incorpora algunhas mudanzas importantes non autorizadas polo propio Lao She. Entre estas modificacións destaca o final, que coa tradución acabou sendo feliz. O libro, que xa fora un éxito na China, acadou a categoría de bestseller nos Estados Unidos e no Reino Unido nesta tradución libre.

Filmes editar

  • Luotuo Xiangzi ("O camelo Xiangzi", 1982), dirixida por Zifeng Ling.