Nissan Stadium
Coordenadas: 36°09′59″N 86°46′17″O / 36.166388888889, -86.771388888889
O Nissan Stadium é un estadio situado na cidade de Nashville, Tennessee (Estados Unidos). Inaugurado en 1999, é propiedade do Goberno Metropolitano de Nashville e Condado de Davidson. O seu uso principal é o fútbol americano, sendo o estadio local dos Tennessee Titans da National Football League (NFL) e dos Tennessee State Tigers da liga universitaria (NCAA). Alén do fútbol americano, tamén é utilizado para albergar grandes concertos, como por exemplo os do CMA Music Festival durante catro días de xuño. O Nissan Stadium está situado na beira leste do río Cumberland, e ten capacidade para 69.143 espectadores. O seu primeiro evento foi un partido de pretemporada entre os Titans e os Atlanta Falcons o 27 de agosto de 1999. Desde a súa apertura en 1999 foi coñecido por diferentes nomes, incluído Adelphia Coliseum desde 1999 até 2002, The Coliseum desde 2002 até 2006 e LP Field desde 2006 até 2015.
| Nissan Stadium | |
|---|---|
 | |
| Datos | |
| Localización |  Nashville, Estados Unidos |
| Nomes antigos | Adelphia Coliseum (1999–2002) The Coliseum (2002–2006) LP Field (2006–2015) |
| Construción | |
| Construción | 3 de maio de 1997 |
| Inauguración | 27 de agosto de 1999 (24 anos) |
| Arquitecto | Populous McKissack & McKissack Moody Nolan |
| Enxeñeiro | Thornton Tomasetti |
| Custo | $290 millóns |
| Estadio | |
| Superficie | Tifsport Bermuda Sod |
| Capacidade | 69.143 |
| Propietario | Goberno Metropolitano de Nashville e Condado de Davidson |
| Operaradora | Goberno Metropolitano de Nashville e Condado de Davidson |
| Localía | Tennessee Titans (1999– ) Tennessee St. Tigers (NCAA) (1999–) |
- Non confundir co Estadio Internacional de Iocoama.