New Orleans Saints

New Orleans Saints
	Fundado en 1966; Sede en Nova Orleáns, LA
Logo dos New Orleans Saints	Wordmark dos New Orleans Saints
Logo	Wordmark
Afiliacións de Liga/Conferencia
	National Football League (1967–presente) Eastern Conference (1967–1969) Capitol Division (1967, 1969); Century Division (1968); ; NFC (1970−presente) NFC Oeste (1970–2001); NFC Sur (2002−presente); ;
	Uniforme actual
Cores	Ouro, negro, branco
Mascota	Gumbo, Sir Saint
Cadro de persoal
Propietario(s)	Tom Benson
Presidente	Dennis Lauscha
Director xeral	Mickey Loomis
Adestrador	Sean Payton
Historia
	New Orleans Saints (1967–presente);
Alcume(s)
	Who Dat; The Black and Gold; The Dome Patrol; The Aints; The Bless You Boys;
Campionatos
	Títulos de Liga (1); Super Bowl (1); 2009 (XLIV);
	Conferencia (1) NFC: 2009;
	División (7) NFC West: 1991, 2000; NFC South: 2006, 2009, 2011, 2018, 2019;
Estadios
	Tulane Stadium (1967–1974); Mercedes-Benz Superdome (1975–presente);

Os New Orleans Saints son equipo profesional de fútbol americano con sede en Nova Orleáns, Luisiana. Os Saints compiten na National Football League (NFL) como club membro da División Sur da National Football Conference (NFC). O equipo foi fundado o 1 de novembro de 1966 por John W. Mecom Jr., David Dixon e a propia cidade de Nova Orleáns. O nome do equipo provén da festividade de Todos os Santos, debido ao gran número de católicos que viven na cidade, é ao himno "When the Saints Go Marching In", moi asociado a Nova Orleáns.^[1] As cores do equipo son o dourado é o negro, mentresa que o seu escudo é unha flor de lis de trazos sixelos. A franqía comezou xogando os seus partidos como local no Tulane Stadium, onde permaneceron até 1975, ano no que se trasladaron ao Louisiana Superdome (actualmente coñecido como Mercedes-Benz Superdome, debido ao patrocinio da compañía alemá).^[2]^[3]

Durante os seus primeiros vinte anos, os Saints non foron un equipo moi competivo, conseguindo un balance de máis vitorias que derrotas tan só nas temporadas 1987, onde remataron 12−3 clasificándose por vez primeira aos playoffs, e en 1998, onde conseguiron acabar cun rexistro de 10–6. Por outra banda, a primeira en playoffs non chegaría até o ano 2000, cando conseguiron vencer aos St. Louis Rams por 31–28. En 2005, o furacán Katrina devastou a cidade, converténdose o Superdome en refuxio temporal para os afectados. De feito, o propio estadio sufriu cuantiosos danos. Esta situación levou a que o equipo tivese que xogar os seus partidos noutras cidades como San Antonio ou Baton Rouge. Finalmente, o Superdome foi arranxado para a temporada seguinte por valor duns 185 millóns de dólares. O primeiro partido dos Saints de volta na súa cidade levou consigo unha gran carga emocional, conseguindo gañar aos seus rivais de división, os Atlanta Falcons, por 23–3, e conseguindo clasificarse por segunda vez na súa historia aos playoffs. O seguinte fito histórico da franquía foi na temporada 2009, cando o equipo consegue gañar da man de Drew Brees a súa primeira Super Bowl tras vencer aos Indianapolis Colts por 31–17.