Wikipedia

Nematophyta

Nematophyta
Rango fósil:
Cámbrico (hai 410 Ma [2]) ata finais do Silúrico ou principios do Devoniano

Cutícula de Cosmochlaina, recollida en Burgsvik, Suecia por maceración con ácido. Células duns 12 μm de diámetro.
Clasificación científica
Dominio: Eukaryota
Reino: Plantas ?
Strother 1993[1]
Filo: Nematophyta Lang 1937 [3]
Xéneros

Familia Nematothalaceae:

  • Nematothallus Lang 1937
  • Cosmochlaina Edwards 1986

Familia Nematophytaceae:

  • Nematoplexus Lyon 1962
  • Nematasketum Burgess e Edwards, 1988
  • Prototaxites Dawson 1859[4]

As nematófitas ou nematófitos (Nematophyta) son un grupo parafilético de organismos terrestres extintos de tipo vexetal, que probablemente incluía algunhas plantas e tamén algas[5][6] que se coñecen polo seu rexistro fósil datado desde o Silúrico ata inicios do Devoniano (chert de Rhynie, Escocia).[7] O xénero tipo Nematothallus, que tipifica o grupo, foi descrito por primeira vez por Lang en 1933,[3] que o imaxinou como unha planta talosa con características tubulares e esporófitos, cuberta por unha cutícula que preservou as impresións das células subxacentes. Lang atopou abondosos restos disgregados con estas tres características, pero ningún deles estaba conectado cos outros, o que facía que a reconstrución destes restos como con partes constituíntes dun mesmo organismo fose hipotética. Non se coñecen neste fósil estruturas reprodutoras ou vexetativas comúns ás doutras plantas,[8] e certos membros do plexo nematófito (incluíndo Nemataplexus, conxugacións axiais de tubos bandeados ou ramificados) parecen pertencer a fungos.[9]

A falta dunha clara definición dos nematófitos fixo que fosen utilizados como un taxón caixón de xastre, e denominábanse "nematofíticos" a todos os tipos de tubos e cutículas con marcas de células do Silúrico.

Os nematófitos, con cutículas e tubos bandeados, atopáronse en coprólitos producidos aparentemente por miriápodos.[10]

Notas editar

  1. ↑ Strother, P.K. (1993). "Clarification of the Genus Nematothallus Lang". Journal of Paleontology 67 (6): 1090–1094. JSTOR 1306131. 
  2. ↑ Graham, L.; Wilcox, L.; Cook, M.; Gensel, P. (2004). "Resistant tissues of modern marchantioid liverworts resemble enigmatic Early Paleozoic microfossils". Proceedings of the National Academy of Sciences of the United States of America 101 (30): 11025–11029. Bibcode:2004PNAS..10111025G. doi:10.1073/pnas.0400484101. PMC 503736. PMID 15263095.
  3. ↑ 3,0 3,1 Lang, W.H. (1937). "On the Plant-Remains from the Downtonian of England and Wales". Philosophical Transactions of the Royal Society B 227 (544): 245–291. Bibcode:1937RSPTB.227..245L. JSTOR 92244. doi:10.1098/rstb.1937.0004. 
  4. ↑ Incluído nos Nematophyta por Tayylor, W. A.& Wellman, C. H. (2009). "Ultrastructure of Enigmatic Phytoclasts (Banded Tubes) from the Silurian-Lower Devonian: Evidence for Affinities and Role in Early Terrestrial Ecosystems". Palaios (en inglés) 24 (3): 167–180. doi:10.2110/palo.2008.p08-046r. 
  5. ↑ Smith, M. R.; Butterfield, N. J. (2013). "A new view on Nematothallus: Coralline red algae from the Silurian of Gotland". Palaeontology 56 (2): 345–357. doi:10.1111/j.1475-4983.2012.01203.x. [1]
  6. ↑ Niklas, K. J. (1976). "Chemical Examinations of Some Non-Vascular Paleozoic Plants". Brittonia 28 (1): 113–137. JSTOR 2805564. doi:10.2307/2805564. (require subscrición (?)). 
  7. ↑ Fayers; Trewin, Nigel H. (2003). "A review of the palaeoenvironments and biota of the Windyfield chert". Transactions of the Royal Society of Edinburgh: Earth Sciences 94 (4). doi:10.1017/S0263593300000729. 
  8. ↑ Strother, P.K. (1988). "New Species of Nematothallus from the Silurian Bloomsburg Formation of Pennsylvania". Journal of Paleontology 62 (6): 967–982. JSTOR 1305385. 
  9. ↑ Edwards, D.; Axe, L. (2012). "Evidence for a fungal affinity for Nematasketum, a close ally of Prototaxites". Botanical Journal of the Linnean Society 168 (1): 1 –18. doi:10.1111/j.1095-8339.2011.01195.x. [2]
  10. ↑ Edwards, D.; Selden, P. A.& Axe, L. (2012). "Selective Feeding in an Early Devonian Terrestrial Ecosystem". Palaios 27 (7): 509–522. doi:10.2110/palo.2011.p11-094r. 

Véxase tamén editar

Bibliografía editar

  • McGregor and Narbonne (1978): "Upper Silurian trilete spores and other microfossils from the Read Bay Formation, Cornwallis Island, Canadian Arctic"
Traído desde «https://gl.wikipedia.org/w/index.php?title=Nematophyta&oldid=6624642»