Nebula

Non confundir con Premio Nébula.

Nebula foi unha banda estadounidense de stoner rock. Formárona en 1997 o guitarrista Eddie Glass e o batería Ruben Romano despois de abandonar Fu Manchu. Rob Oswald substituiría a Ruben Romano no ano 2007.

Nebula
Orixe	Estados Unidos,
Período	1997 - 2010
Xénero(s)	stoner rock, rock psicodélico
Selo(s) discográfico(s)	Liquor and Poker Music, MeteorCity, Sub Pop, Tee Pee Records, Man's Ruin Records
Membros	Eddie Glass Tom Davies Jimmy Sweet
Antigos membros	Rob Oswald Simon Moon Ruben Romano
Artistas relacionados	Fu Manchu, Mudhoney, Chris Goss, Kyuss, Olivelawn, Karma to Burn, Mondo Generator
Na rede
nebulamusic.com

Traxectoria

Nebula formouse no ano 1997 estando composta inicialmente polo guitarrista e vocalista Eddie Glass e o batería Ruben Romano. Uníuselles ao baixo Mark Abshire ata que abandonou o grupo durante a gravación de Atomic Ritual (2003), que foi producido polo coñecido roqueiro de desert rock Chris Goss. Simon Moon gravaría os baixos ata que atoparon a Tom Davies como baixista definitivo. Atomic Ritual foi lanzado con eloxios da crítica.

O seu disco Apollo publicouse nos Estados Unidos o 21 de febreiro do 2006. A banda comezou unha xira de promoción, rematando cunha parte europea en maio dese ano. Durante a xira europea estivo acompañado polo grupo de Texas The Sword.

A canción "Giant" apareceu na banda sonora dos videoxogos Tony Hawk's Pro Skater 4 e NHL 2K7, e "So It Goes" está en Tony Hawk's Underground 2.

No mes de marzo do ano 2010, despois de que Rob Oswald deixase a banda no medio dunha xira e fose substituído por Adam Kriney e Jimmy Sweet, Nebula anunciou a súa disolución cancelando os concertos restantes.

Discografía

Álbums

Álbum	Ano	Selo
To the Center	1999	Sub Pop
Charged	2001
Atomic Ritual	2003	Liquor & Poker
Apollo	2006
Heavy Psych	2009	Tee Pee
Holy Shit	2019	Heavy Psych Sounds Records

EPs

• Let It Burn - 1998 (Relapse Records)
• Sun Creature - 1999 (Man's Ruin)
• Nebula/Lowrider - 1999 (Meteor City) EP compartido con Lowrider