N-536
A N-536 é unha estrada nacional que vai desde Ponferrada até Arcos (Vilamartín de Valdeorras). A nomenclatura actual desta vía, así como do resto das estradas nacionais de España, estableceuse no cuarto plan xeral de estradas de 1939-41 (Plan Peña).
| N-536 Estrada León - Ourense | |
|---|---|
 N-536 ao seu paso por Millarouso e Santurxo (O Barco de Valdeorras) | |
| Tipoloxía | Estrada convencional |
| Rede | Rede de estradas do Estado |
| Lonxitude | 57 km |
| Localización | |
| Inicio | Ponferrada N-VI |
| Fin | N-120 A Rúa |
Historia editar
Foi creada como estrada de primeira orde Ponferrada-Ourense. En 1987 foi subdividida en varios treitos con diversas denominacións: a N-536 entre Ponferrada e Arcos, a N-120 entre Arcos e Vilamartín de Valdeorras, e baixo titularidade autonómica a a OU-603 entre Vilamartín e A Rúa, OU-533 entre A Rúa e Freixido de Abaixo (Petín), a OU-636 entre Freixido de Abaixo e A Pobra de Trives e a OU-536 entre A Pobra de Trives e Ourense.
Trazado actual editar
A estrada une a comarca do Bierzo coa comarca ourensá de Valdeorras. Trátase da alternativa sur que une as capitais comarcais de Ponferrada co Barco de Valdeorras xa que a N-120 tamén decorre entre estas dúas comarcas.
O trazado da N-536 comeza na N-VI á altura do barrio ponferradino de Fuentesnuevas, pasa por diversas localidades bercianas en dirección suroeste, como Villalibre de la Jurisdicción, Priaranza del Bierzo, Santalla del Bierzo, Carucedo, Sobredo, Salas de la Ribera e A Ponte de Domingos Flórez antes de internarse en Galicia. En terreo ourensán a estrada pasa pola ribeira do Sil ata rematar na Rúa.