Mutual Aid: A Factor of Evolution
Mutual Aid: A Factor of Evolution (Axuda mutua: un factor da evolución) é un libro do ruso Piotr Kropotkin sobre o concepto da axuda mutua e a cooperación voluntaria dentro do proceso evolutivo.
| Mutual Aid: A Factor of Evolution | |
|---|---|
 | |
| Título orixinal | Mutual Aid: A Factor of Evolution |
| Autor/a | Piotr Kropotkin |
| Orixe | Inglaterra |
| Lingua | inglés |
| Xénero(s) | Ensaio, recompilación de artigos |
| Editorial | Heinemann |
| Data de pub. | 1902 |
| [ editar datos en Wikidata ] | |
Foi escrito durante o seu exilio en Inglaterra. Foi publicado por primeira vez por William Heinemann en Londres en outubro de 1902, pero os distintos capítulos xa foran publicados orixinalmente entre 1890 e 1896 como unha serie de ensaios na revista literaria mensual británica, Nineteenth Century (século XIX).
Escrito en parte como resposta ó darwinismo social e, en particular, ó ensaio de Thomas H. Huxley The Struggle for Existence, o libro baséase na súa experiencia do día a día nas expedicións científicas en Siberia para ilustrar o fenómeno da cooperación. Tras examinar as probas da cooperación en comunidades de animais non humanos, "salvaxes", "bárbaros", nas autónomas cidades medievais, e na época moderna, chega á conclusión de que a cooperación e a axuda mutua son tan importantes ou máis na evolución da especie como a competencia e a loita mutua.
Considerada como unha das súas maiores obras, Kropotkin mostra toda a súa esencia como ideólogo sen deixar de lado o plano científico e analítico do tema en si. Partindo desa base, converte o principio do apoio mutuo e voluntario nun principio político.
Véxase tamén editar
Ligazóns externas editar
- La ayuda mutua (en castelán)
- Análise da obra (en castelán)