Montevideo

Para outras páxinas con títulos homónimos véxase: Montevideo (homónimos).

Montevideo é a capital e cidade máis grande do Uruguai. É ademais sede administrativa de Mercosur.

Montevideo

San Felipe y Santiago de Montevideo (es)
Localización
34°52′00″S 56°10′00″O
Estado	Uruguai
Departamento (pt)	Departamento de Montevideo
Capital de	Departamento de Montevideo Uruguai (1828–)
Poboación
Poboación	1.319.108 (2011) (1.807 hab./km²)
Lingua oficial	lingua castelá
Xeografía
Superficie	730 km²
Bañado por	Río da Prata
Altitude	43 m
Datos históricos
Fundador	Bruno Mauricio de Zabala
Creación	24 de decembro de 1726
Evento clave 3 de febreiro de 1807 Battle of Montevideo (en) 1811 Siege of Montevideo (en) 1812 Siege of Montevideo (en) 20 de xaneiro de 1823 Cerco de Montevidéu (pt) agosto de 1843 Cerco de Montevidéu (pt)
Organización política
• Xefe do goberno	Carolina Cosse (en) (2020–)
Membro de	Rede de cidades creativas (2015–)
Identificador descritivo
Código postal	11000–12000
Fuso horario	America/Montevideo (en)
Prefixo telefónico	2
ISO 3166-2	UY-MO
Outro
Irmandado con	Tandil Caracas Győr ../... 23+
Páxina web	montevideo.gub.uy

Xeografía

Montevideo é a capital máis austral de América do Sur, situada a 34º 53' de latitude sur e 56º 10' de lonxitude oeste. Localízase na zona sur do país, con costas sobre o Río da Prata, dentro do departamento homónimo. Posúe unha superficie de 530 km² (onde aproximadamente o 60% é área rural e o restante 40% área urbanizada ou potencialmente apta para urbanizar). A súa máxima elevación é o Cerro de Montevideo, con 132 metros de altura.

O famoso paseo da Rambla ten unha lonxitude de 27 km que se desenvolven de xeito paralelo á costa, facendo del un dos máis longos do mundo.

Demografía

Posúe unha poboación de 1.330.405 habitantes (1996) e unha densidade de 2.510,2 hab./km². Considerando a súa área metropolitana, Montevideo chega ós 1.668.335 habitantes, aproximadamente a metade da poboación total do país. O xentilicio para os seus habitantes é montevideano/a.

Historia

Mapa histórico de Montevideo.

Entre 1680 e 1683, para desafiar a soberanía española na rexión, os colonizadores portugueses do Brasil estableceron diversos asentamentos sobre as costas do Río da Prata, fronte a Buenos Aires, como a Nova Colonia do Sacramento. Con todo, os españois non efectuaron ningún intento para desaloxar ós portugueses ata 1723, cando estes comezaron a fortificar as alturas que rodean a baía de Montevideo. Unha expedición española proveniente de Bos Aires, organizada polo gobernador español nesa cidade, Bruno Mauricio de Zabala, obrigou ós portugueses a abandonar o lugar no que os españois comezaron a poboar a nova cidade. O 20 de decembro de 1726 confeccionouse un padrón de habitantes, e finalmente o 24 de decembro trazouse un plano delineatorio da cidade e designouse como "San Felipe e Santiago de Montevideo", nome que posteriormente sería abreviado en Montevideo. No 1828, a cidade converteuse na capital do Uruguai.

Orixe do nome

Existen polo menos dúas explicacións acerca da orixe do nome Montevideo: a primeira afirma que o nome provén da expresión en portugués "Monte vi eu", frase pronunciada por un mariño anónimo pertencente a excursión de Fernão de Magalhães ó divisar o Cerro de Montevideo.^{[Cómpre referencia]} A segunda di que os españois anotaron a situación xeográfica nun mapa como "Monte VI De Este a Oeste".^{[Cómpre referencia]}

Notas

Praza da Independencia, Montevideo, c. 1900