Sípilo (Sipylos Σίπυλος) foi o nome que levaba na antigüidade unha montaña de Lidia entre o río Hermos e a cidade de Esmirna, unha rama dos montes Tmolos. Correspóndese co actual Spil Dağı, preto de Manisa, en Turquía.

Na parte leste a tradición di que había unha cidade chamada Tantalis, que despois se chamou Sipilo, que foi capital dos meonios, que supostamente foi destruída por un terremoto e engulida, e no seu lugar saíu un pequeno lago que se chamou Sale ou Saloe. Plinio di que na mesma zona houbo despois outras cidades: Archaeopolis, Colpe e Lebade. Pausanias chama ao lago marisma de Tántalo e di que a tumba de Tántalo estaba nas inmediacións e que no cume da montaña había o trono da montaña no templo de Cibeles ou Plastene.

A cidade de Magnesia do Sípilo, que está nas inmediacións, foi teatro da batalla do mesmo nome (-190) e que deu a Roma o dominio da Asia Menor occidental.