Os Monodactílidos (Monodactylidae) son unha familia de peixes predominantemente mariños e de augas salobres, incluída na orde dos Perciformes. Distribúense pola costa africana do océano Atlántico, polo Índico e polo Pacífico. Ocasionalmente penetran en augas doces.

Monodactylus argenteus

Características editar

Teñen o corpo alto e moi comprimido lateralmente. Aleta dorsal con base longa, cuberta de escamas e 5 a 8 espiñas curtas; a anal tamén de base longa e tres espiñas; pectorais pequenas. As aletas pélvicas están presentes nos individuos xuvenís, pero desaparecen ou son vestixiais nos adultos. Caudal algo fendida.

Aliméntanse de pequenos peixes e de crustáceos. Son de uso común en acuarios de auga doce.

Clasificación editar

Comprende só dous xéneros e seis especies:

  • Xénero Monodactylus (Lacepède, 1801)
    • Monodactylus argenteus (Linnaeus, 1758)
    • Monodactylus falciformis (Lacepède, 1801)
    • Monodactylus kottelati (Pethiyagoda, 1991)
    • Monodactylus sebae (CuvierDesam, 1829)
  • Xénero Schuettea (Steindachner, 1866)
    • Schuettea scalaripinnis (Steindachner, 1866)
    • Schuettea woodwardi (Waite, 1905)

Véxase tamén editar

Ligazóns externas editar