Moeda de 200 liras italianas
antiga moeda italiana de curso legal
| Serie ordinaria das 200 liras italianas [1][2] | |
|---|---|
|
|
| A/: Cabeza feminina cara á dereita. Marca de gravador no exergo.
Lenda: REPVBBLICA ITALIANA |
R/: Valor facial dentro dunha engrenaxe. Marca de ceca (R). Data no exergo.
Lendas: 200 LIRE |
| |
A moeda de 200 liras italianas foi cuñada polo Istituto Poligráfico e Zecca dello Stato, a ceca pública de Roma, desde 1977 a 2001, cando a lira italiana foi substituída polo euro.
Paralelamente á súa emisión ordinaria, a partir de 1980 fóronse pondo tamén en circulación versións conmemorativas desta moeda, con idénticas características métricas mais con deseños específicos.
A aliaxe coa que se cuñou esta moeda, coñecida polo acrónimo bronzital (de bronzo italiano), está composta por un 92 % de cobre, un 6 % de aluminio e un 2 % de níquel.[2]
Emisión ordinaria editar
A moeda estándar de 200 liras italianas foi deseñada e gravada polo artista italiano Mario Vallucci. No seu anverso presenta a figura dunha muller con cabelo longo mirando cara á dereita, representación alegórica da Liberdade e da nación italiana. No reverso reprodúcese como motivo central unha engrenaxe de dentes cadrados, como símbolo do traballo.[1][2]
Esta moeda cuñouse entre 1977 e 1998 con algunhas interrupcións puntuais nos últimos anos. A súa tiraxe total superou os 1.500 millóns de exemplares.[1][2]
Tiraxes anuais editar
Estas son as cantidades de exemplares cuñados da emisión ordinaria da moeda de 200 liras italianas desde a súa creación en 1977 ata a súa derradeira emisión en 1978:[1][2]
|
|
|
Nos anos 2000 e 2001 houbo tamén emisión desta moeda, mais non para a súa posta en circulación senón para a súa inclusión en carteiras e estoxos de presentación, dirixidos ao mercado do coleccionismo. As súas tiraxes eses anos foron de 70.360 e 110.000 exemplares, respectivamente.[1][2]
Emisións conmemorativas circulantes editar
FAO - Montessori editar
- Ano: 1980
- Motivo: Ano Internacional da Muller da Organización das Nacións Unidas para a Alimentación e a Agricultura (FAO).
- Anverso: busto de Maria Montessori lixeiramente cara á dereita. Gravador: Sergio Giandomenico. Lenda: REPUBBLICA ITALIANA.
- Reverso: muller sentada lendo un libro nos xeonllos, cun cativo ás súas costas e unha pa debaixo (maternidade e traballo). Ao fondo, meridianos e paralelos, para simbolizar o mundo. Gravador: Sergio Giandomenico. Lenda: VALORIZZAZIONE DELLA DONNA / FAO / Lire 200.
- Tiraxe: 48.500.000 exemplares.
FAO - Villa Lubin editar
- Ano: 1981
- Motivo: Día Internacional da Alementación (16 de outubro) da Organización das Nacións Unidas para a Alimentación e a Agricultura (FAO).
- Anverso: fachada principal do edificio Villa Lubin, en Roma, sede central do Instituto Internacional da Agricultura. Gravador: Guido Veroi. Lenda: REPUBBLICA · ITALIANA.
- Reverso: muller nova con cabelo longo e vestido floreado corre cara á esquerda, sostendo cos dous brazos nas súas costas unha cornucopia chea de froitos e pólas de trigo, esparexendo sementes. Gravador: Guido Veroi. Lenda: GIORNATA MONDIALE DELL' ALIMENTAZIONE / 16 OTT. / L. 200
- Tiraxe: 45.207.600 exemplares.
Arsenal Militar de Tarento editar
- Ano: 1989
- Motivo: centenario do arsenal militar de Tarento, na rexión de Puglia.
- Anverso: deseño da serie ordinaria.
- Reverso: vista do barco "Amerigo Vespucci", con tres paus, que navega cara á esquerda, con edificios do arsenal de Tarento ao fondo: un castelo á dereita e pontes á esquerda. Encima as datas do aniversario 1889-1989. Gravador: Sergio Grossi. Lenda: CENTENARIO DELL’ARSENALE MILITARE MARITTIMO DI TARANTO / L. 200.
- Tiraxe: 42.009.260 exemplares
Consello de Estado editar
- Ano: 1990
- Motivo: centenario do establecemento da Sección IV do Consello de Estado italiano en 1890.
- Anverso: deseño da serie ordinaria.
- Reverso: vista da fachada principal do Palacio Spada, en Roma, sede do Consello de Estado, co seu nome gravado na base. Encima, as datas do aniversario: 1890-1990. Gravador: Eugenio Driutti. Lenda: CONSIGLIO DI STATO / IV SEZIONE / 1890 1990 / PALAZZO SPADA. / L. 200.
- Tiraxe: 64.509.400 exemplares.
Xénova 92 editar
- Ano: 1992
- Motivo: Exposición Internacional de Filatelia Temática de Xénova.
- Anverso: deseño da serie ordinaria.
- Reverso: círculo dividido en dous semicírculos. No superior, tres velas sobre un fondo de liñas paralelas; no inferior tres ondas estilizadas e o nome da exposición. Gravador: Sergio Grossi. Lenda: ·ESPOSIZIONE MONDIALE DI FILATELIA TEMATICA · / L. 200 / GENOVA `92
- Tiraxe: 100.009.500 exemplares.
Aviación militar editar
- Ano: 1993
- Motivo: 70º aniversario da aviación militar italiana.
- Anverso: deseño da serie ordinaria.
- Reverso: círculo dividido en catro cuarteis, cos símbolos dos catro escuadróns creados durante a I guerra mundial: no primeiro, un grifón rampante; no segundo, unha quimera; no terceiro, un trevo de catro follas; e no cuarto, o león de San Marcos. Deseñador: Luciano Zanelli. Gravador: Sergio Grossi. Lenda: 70° AERONAUTICA MILITARE 1923-1993 / L. 200.
- Tiraxe: 170.008.500 exemplares
Arma dos Carabineiros editar
- Ano: 1994.
- Motivo: 180 aniversario da fundación da Arma dos Carabineiros.
- Anverso: deseño da serie ordinaria.
- Reverso: símbolo dos Carabineiros: unha granada heráldica cunha lapa de trece puntas, co monograma RI (República Italiana). Debaixo os anos do aniversario en números romanos e unha cartela co lema do corpo, NEI SECOLI FEDELE. Deseñador: Luciano Zanelli. Gravador: Sergio Grossi. Lenda: ARMA DEI CARABINIERI / CLXXX / 1814 -1994 / L. 200.
- Tiraxe: 200.008.500 exemplares.
Guardia di Finanza editar
- Ano: 1996
- Motivo: centenario da fundación da academia da Guardia di Finanza.
- Anverso: círculo decorado, dividido en dous semicírculos separados por unha fita co nome do país en letras incusas. Na parte superior o Palacio Real de Caserta, a primeira sede da academia en 1896; e na parte inferior a sede actual en Bérgamo. Gravador: Eugenio Driutti. Lenda: REPUBBLICA ITALIANA.
- Reverso: cartela co valor facial incuso, que divide o campo en dúas partes. Na superior, o escudo de armas da Guardia di Finanza, cun estandarte enriba co seu lema: NEC RECISA RECEDIT. Na inferior, sombreiro e espada de cadete da academia. Gravador: Eugenio Driutti. Lenda: CENTENARIO DELL'ACCADEMIA DELLA GUARDIA DI FINANZA / 1896 1996 / L.200.
- Tiraxe: 200.008.000 exemplares.
editar
- Ano: 1997
- Motivo: centenario da Liga Naval Italiana, establecida en 1897 en La Spezia por Augusto Vittorio Vecchi.
- Anverso: deseño da serie ordinaria.
- Reverso: escudo de armas da Liga Naval Italiana (selo redondo co monograma LNI e o nome da institución, sobre unha áncora); enriba, un barco navega cara á dereita, coas datas do centenario a proa e a popa. Gravador: Ettore Lorenzo Frapiccini. Lenda: 1897 / 1997 / LEGA NAVALE ITALIANA / 200 LIRE.
- Tiraxe: 400.008.450
Protección do patrimonio editar
- Ano: 1999.
- Motivo: 30º aniversario do establecemento da unidade dos Carabineiros para a protección do patrimonio cultural.
- Anverso: deseño da serie ordinaria.
- Reverso: símbolo dos Carabineiros: unha granada cunha lapa de trece puntas, co monograma RI (República Italiana) e á súa esquerda o David de Donatello, como representación do patrimonio artístico italiano. Gravador: Ettore Lorenzo Frapiccini. Lenda: 1969 · 1999 / L.200 / CARABINIERI TUTELA PATRIMONIO ARTISTICO.
- Tiraxe: 105.08.500 exemplares.
Emisións da República de San Marino editar
Antes da asunción do euro, a República de San Marino tivo como unidade monetaria oficial a liga sanmarinesa, cun valor fixo ligado ao da lira Italiana. En virtude dunha convención monetaria asinada por ambos os países o 10 de tetembro de 1971 e logo convertida en lei, o Istituto Poligráfico e Zecca dello Stato cuñou modelos propios para San Marino, coas mesmas características métricas que as da moeda italiana.[23]
Existen 24 modelos diferentes das moedas de 200 liras cuñadas para San Marino, emitidas anualmente de xeito ininterrompido desde 1978 ata 2001.[24]
Notas editar
- ↑ 1,0 1,1 1,2 1,3 1,4 "200 Lire". Numista.com
- ↑ 2,0 2,1 2,2 2,3 2,4 2,5 "200 Lire (Lavoro)". Colnect.com
- ↑ "200 Lire FAO". Numista.com
- ↑ "200 Lire (F.A.O. Montessori)". Colnect.com
- ↑ "200 Lire FAO - World Food Day". Numista.com
- ↑ "200 Lire (F.A.O. Villa Lubin)". Colnect.com
- ↑ "200 Lire Taranto Naval Arsenal". Numista.com
- ↑ "200 Lire (100th Anniversary of Arsenal Taranto)". Colnect.com
- ↑ "200 Lire State Council". Numista.com
- ↑ "200 Lire (100th Anniversary of the Council of State)". Colnect.com
- ↑ "200 Lire Philatelic Exhibition - Genoa'92". Numista.com
- ↑ "200 Lire (Philathelic and Numismatic Exposition)". Colnect.com
- ↑ "200 Lire Military Aviation". Numista.com
- ↑ "200 Lire (70th Anniversary of Military Aviation)". Colnect.com
- ↑ "200 Lire Arm of Carabinieri". Numista.com
- ↑ "200 Lire (180th Anniversy of the Carabinieri)". Colnect.com
- ↑ "200 Lire Academy of 'Guardia di Finanza'". Numista.com
- ↑ "200 Lire (100th anniversary Academy Guardia di Finanza)". Colnect.com
- ↑ "200 Lire Italian Naval League". Numista.com
- ↑ "200 Lire (100th anniversary Italian Naval League)". Colnect.com
- ↑ "200 Lire Carabinieri Art Squad". Numista.com
- ↑ "200 Lire (30th Anniversary of Carabinieri prot.)". Colnect.com
- ↑ "§ 94.1.470 - Legge 13 dicembre 1972, n. 816". http://www.edizionieuropee.it
- ↑ "San Marino • Lira (1864-2001): 200 lire". Numista.com
Véxase tamén editar
Wikimedia Commons ten máis contidos multimedia na categoría: Moeda de 200 liras italianas  |
Bibliografía editar
- Boasso, A. (2008). Catalogo Alfa delle Monete italiane e Regioni. 33ª ed. Alfa Edizioni, Turín. ISBN 978-8888032092
- Gigante, F. (2022). Gigante 2023. Catalogo nazionale delle monete italiane dal '700 all'euro. Gigante Editore. ISBN 978-8889805442
- Montenegro, E. Montenegro 2022. Manuale del collezionista di monete italiane. 38ª ed. Torino, Edizioni Montenegro. ISBN 978-8888894034