A Mitre 10 Cup (anteriormente ITM Cup e Air NZ Cup por razóns de patrocinio) é o campionato profesional de rugby en Nova Zelandia. Antes de 2006 o seu nome era National Provincial Championship (NPC) e o seu formato non era profesional. O torneo conta con 14 equipos divididos en dúas divisións. Os equipos participantes son representativos das diversas rexións do país, polo tanto non é unha liga de clubs. A primeira edición da NPC tivo lugar no ano 1976.
No hemisferio Sur o calendario rugbístico está disposto de tal xeito que os campionatos nacionais de Suráfrica e Nova Zelandia non coincidan no tempo co potentísimo torneo do Super Rugby, composto por franquías de Australia, Suráfrica, Nova Zelandia, a Arxentina e o Xapón, de xeito que a Mitre 10 Cup poida ser un trampolín para que os xogadores máis salientables poidan ascender ó máximo nivel internacional nalgunha das cinco franquías neozelandesas.
Nova Zelandia