Miguel Ares Canaval
Miguel Ares Canaval, nado no Canaval (Présaras, Vilasantar) en 1565, e finado en Ourense o 1 de xaneiro de 1611, foi un eclesiástico galego, bispo da diocese de Ourense dende 1595 até a súa morte.[1][2]
| Biografía | |
|---|---|
| Nacemento | 1565  Présaras |
| Morte | 1 de xaneiro de 1611 (45/46 anos) Ourense |
| Lugar de sepultura | catedral de Ourense |
| Bispo diocesano | |
| 19 de decembro de 1594 – ← Pedro González Acevedo – Sebastián Bricianos → Diocese: diocese de Ourense | |
| Bispo de Ourense | |
| | |
| Datos persoais | |
| Relixión | Igrexa católica |
| Actividade | |
| Ocupación | bispo católico (1595–), relixioso |
| Consagración | Juan de Sanclemente Torquemada |
Traxectoria editar
Fillo de Alfonso Ares e María González, naceu na despois chamada Casa do Bispo. Estudou en Santiago de Compostela e en Salamanca, sobresaíndo pola súa cultura, intelixencia e bondade. Foi enviado a Ávila, onde conseguiu a dignidade de Maxistral da Sagrada Escritura.
A súa sona de intelectual e bo cristián chegou ata a Corte do Rei Filipe II, quen no ano 1593 o propuxo como bispo da Real Audiencia de Charcas da cidade de La Plata, hoxe chamada Sucre, en Bolivia, posto que rexeitou.
O 30 de maio de 1595[3] tomou posesión como bispo de Ourense, co nome de Miguel Ares Canaval, xa que mudou o segundo apelido polo seu lugar de nacemento, algo habitual naquela época.
Dende Ourense visitou o Santuario de Nosa Señora da Laxe, en Armental, do que foi devoto dende neno. Interesándose sempre polo seu coidado, enviou ofrendas ó santuario segundo consta nos libros de Fábrica. Tamén fundou a carón do santuario unha escola ou seminario e conseguiu importantes doazóns para o seu mantemento. Deste xeito alfabetizáronse numerosos nenos da contorna, entre eles Alfonso Ares, veciño de Vilariño e sobriño de Miguel, que chegou a ocupar distintos cargos na arquidiocese de Santiago de Compostela. Este seminario estivo funcionando ata poucos anos despois da desamortización de Mendizábal, na que se incautaron todos os bens do santuario e os que mantiñan o seminario.[1] Faleceu o 1 de xaneiro de 1611. Está sepultado na Capela Maior da catedral ourensá.
Notas editar
- ↑ 1,0 1,1 "Ares de Canabal". Concello de Vilasantar (en castelán). Consultado o 2018-05-11.
- ↑ "Obispado de Ourense". www.obispadodeourense.com. Consultado o 2018-05-11.
- ↑ Salgado, Rafael (2012-09-13). "Episcopologio de Ourense (07-2015 revisión)". Ourense no tempo. Consultado o 2018-05-11.