Michelle Kwan
Michelle Wingshan Kwan[1] (关颖珊 en chinés simplificado; 關穎珊 en chinés tradicional e Guān Yǐngshān en pinyin), nada en Torrance (California) o 7 de xullo de 1980 é unha patinadora artística estadounidense.
Na súa traxectoria deportiva obtivo dúas medallas nos Xogos Olímpicos (prata en Nagano 1998 e bronce en Salt Lake City 2002), campioa do mundo en cinco ocasións (1996, 1998, 2000, 2001 e 2003) e nove veces no Campionato de patinaxe sobre xeo dos Estados Unidos de América (1996 e de 1998 a 2005).
Kwan competiu nun alto nivel durante unha década e é a patinadora que máis premios recolleu na historia estadounidense.[2] É coñecida pola súa consistencia e expresividade na pista de patinaxe no xeo ao mesmo tempo que considerada unha das mellores patinadoras de todos os tempos.[3][4][5]
Durante máis dunha década, Kwan foi considerada unha das deportistas femininas máis populares do país.[6]
Notas editar
- ↑ "California Births, (1905–1995)". Arquivado dende o orixinal o 19 de xaneiro de 2012. Consultado o 19 de xaneiro de 2018.
- ↑ Athlete bio at usfigureskating.org Arquivado 02 de outubro de 2015 en Wayback Machine., consultado o 8 de setembro 2006.
- ↑ For Americans, lots of medals but a 'faceless' Olympics, by Mark Sappenfield, staff writer of The Christian Science Monitor, consultado o 6 de setembro de 2006.
- ↑ Video Spotlight – Michelle Kwan, Asian Media Watch, consultado o 6 de setembro de 2006.
- ↑ People in the News Spotlight – Michelle Kwan, CNN People in the News, consultado o 8 de outubro de 2006.
- ↑ Harris Interactive – America's favorite Athlete Arquivado 17 de xullo de 2011 en Wayback Machine., Harris Interactive