Maximino Magariños
Maximino Magariños Rodríguez, nado en Santiago de Compostela o 18 de novembro de 1869 e finado na mesma vila o 26 de marzo de 1927[1], foi un escultor, ebanista e imaxineiro galego. Un dos tallistas máis importantes de finais do século XIX e comezos do XX.
  | |
| Biografía | |
|---|---|
| Nacemento | 18 de novembro de 1869 Santiago de Compostela, España |
| Morte | 26 de marzo de 1927 (57 anos) Santiago de Compostela, España |
| Datos persoais | |
| País de nacionalidade | España |
| Educación | Escola de Arte e Superior de Deseño Mestre Mateo Real Sociedade Económica de Amigos do País de Santiago |
| Actividade | |
| Ocupación | escultor , imaxineiro , ebanista |
| Alumnos | José Mateo Larrauri |
| Lingua | Lingua castelá e lingua galega |
Traxectoria editar
A sinatura do Concordato entre a Igrexa católica e o estado español no ano 1851, e a promulgación da Lei de 1860 pola cal a administración se comprometía a reconstruír igrexas, provocou o crecemento dos obradoiros de imaxineiros. O pai de Maximino Magariños tiña un destes talleres en Santiago de Compostela, e foi naquel ambiente no que dou os seus primeiros pasos no oficio. Academicamente formouse coa axuda da Sociedade Económica de amigos do País, acadando mais tarde unha bolsa coa que ampliou estudos en Madrid.
Obra editar
Con influenzas historicistas e tradicionais, a súa obra encádrase no estilo ecléctico do seu tempo. Os seus retablos relixiosos, tallados en nogueira, castiñeiro ou cedro, mesturan estilizacións prerrafaelistas con formulas barrocas. Traballou sobre todo na contorna compostelá, aínda que tamén ten obras de interese na zona de Vigo e Pontevedra. Algúns exemplos son:
- O retablo da basílica de Santa María a Maior de Pontevedra.
- O retablo da igrexa de Santiago de Vigo.
- O retablo da capela das Reliquias da Catedral de Santiago de Compostela.
-
Representación escultórica de Pedro Froilaz de Trava (c. 1075-1128). Panteón Real da Catedral de Santiago de Compostela. -
Retablo en madeira de cedro de Maximino Magariños para a Capela das Reliquias da Catedral de Santiago de Compostela (1924). -
Talla en madeira do Santiago peregrino de Maximino Magariños. Museo de Vigo.
Notas editar
Véxase tamén editar
Wikimedia Commons ten máis contidos multimedia na categoría: Maximino Magariños  |
Bibliografía editar
- Artista Galegos. Escultores. Séculos XVIII e XIV - Nova Galicia Edicións. 2004. ISBN 84-96293-43-2
- Gran Enciclopedia Galega Silverio Cañada. Tomo 27. P. 133