Matsutake (松茸?) é o nome común dun fungo micorriza que crece en Asia, Europa e América do Norte. É apreciado polos xaponeses polo seu recendo aromático a especias.[1][2]

Hábitat e distribución editar

Os matsutake crecen baixo as árbores e aliméntanse das follas caídas e outros materiais que residen no piso forestal. Tamén crea unha relación simbiótica coas raíces de varias especies de árbores.

Estes cogomelos medran comunmente na China, o Xapón, Corea, Finlandia, Suecia, entre outros. No Xapón crece comunmente cerca de árbores de piñeiro vermello xaponés. No Pacífico Noroeste norteamericano atópase en bosques de coníferas sobre unha ou máis das seguintes especies: abeto de Douglas, abeto nobre, abeto vermello, Pinus lambertiana, Pinus ponderosa e Pinus contorta. En California encóntrase tamén en frondosas, incluíndo o tanoak e o érbedo.

En 1999, N. Bergius e E. Danell describiron que o Tricholoma nauseosum sueco e o matsutake xaponés era a mesma especie.[3] Con este descubrimento aumentaron as vendas do fungo desde Europa do Norte ao Xapón.

Custo e dispoñibilidade editar

 
Songi gui (송이구이), matsutake á grella, prato coreano.

Os matsutake son difíciles de plantar polo que o seu custo é moi elevado. A produción doméstica no Xapón reduciuse na última metade do século XX pola presenza dun nemátodo de piñeiro Bursaphelenchus xylophilus. A colleita anual de matsutake no Xapón era a primeiros do século XXI menor ás mil toneladas e é reforzada con importacións de Corea, China, o Pacífico Noroeste norteamericano (Norte de California, Oregón, Washington e Columbia Británica) e Europa do Norte (Finlandia e Suecia).[4] O prezo no mercado xaponés depende bastante da calidade, da dispoñibilidade e da orixe. O matsutake xaponés ao comezo da temporada, que é o máximo, pode aumentar a $2.000 o quilogramo. Pola contra, o matsutake importado pode roldar nos $90 o quilogramo.

Notas editar

  1. Ashkenazi, Michael; Jacob, Jeanne (2003). Food culture in Japan. Greenwood Publishing Group. p. 49. ISBN 0313324387. 
  2. "Copia arquivada". Arquivado dende o orixinal o 28 de agosto de 2013. Consultado o 01 de marzo de 2018. 
  3. Eric Danell, The Swedish matsutake and the Japanese matsutake are the same species!, The Edible Mycorrhizal Mushroom Research Group, Department of Forest Mycology and Pathology, Swedish University of Agricultural Sciences.
  4. 輸入マツタケに異変 中国産激減、フィンランド参戦, J-CAST, 2007/9/26. (en xaponés)

Véxase tamén editar

Outros artigos editar

Ligazóns externas editar