Mary Karooro Okurut
Mary Busingye Karooro Okurut, nada en Bushenyi o 8 de decembro de 1954, é unha profesora, escritora e política de Uganda, máis coñecida como Mary Karooro Okurut. Desde xuño de 2016 traballa na oficina do Primeiro Ministro de Uganda.[1]
_(cropped).jpg)  | |
| Biografía | |
|---|---|
| Nacemento | 8 de decembro de 1954 (69 anos) Bushenyi (en)  |
| Membro do Parlamento do Uganda (pt) | |
| | |
| Datos persoais | |
| Residencia | Kampala |
| País de nacionalidade | Uganda |
| Educación | Universidade Makerere (pt) Trinity College Nabbingo (en) |
| Actividade | |
| Ocupación | escritora , política |
| Período de actividade | 1981 - |
| Partido político | Movimento de Resistência Nacional (pt) |
| Lingua | Lingua inglesa |
Traxectoria editar
Fixo a educación primaria e secundaria en Bweranyangi. En 1972 ingresou no Trinity College Nabbingo para comezar a educación superior. Entre 1974 e 1977 estudou Artes na Universidade Makerere, especializándose en Literatura. En 1981 rematou un mestrado sobre Literatura na mesma universidade, e en 1982 recibiu unha diplomatura en Educación pola mesma institución.[2] Ao tempo, comezou a traballar como lectora no Departamento de Literatura, onde estivo até 1993.
Entre 1994 e 1996 foi secretaria de prensa do Vicepresidente de Uganda. Entre 1996 e 1999 estivo na Comisión do Servizo de Educación no Ministerio de Educación, e entre 1999 e 2004 foi secretaria de prensa do Presidente de Uganda. En 2004 foi elixida como cargo político.[3] no Parlamento de Uganda polo Distrito de Bushenyi representando o Movemento de Resistencia Nacional.
De maio de 2013 a maio de 2015 traballou no Ministerio de Información.[4] Entre 2012 e 2015 traballou no Ministerio de Xénero e Asuntos Sociais, en substitución de Syda Bumba, que dimitira do cargo. Do 1 de marzo de 2015 ao 6 de xuño de 2016 traballou no Ministerio de Seguridade Nacional, substituíndo Wilson Muruli Mukasa cando este foi nomeado Ministro de Xénero e Asuntos Sociais.[5]
Antes de iniciar a súa carreira política Okurut era coñecida pola súa contribución á literatura de Uganda. En 1995 foi unha das fundadoras de FEMRITE, Asociación de Mulleres Escritoras de Uganda[6].
Vida persoal editar
Casou con Stanislaus Okurut, con quen tivo cinco nenos e tres nenas, e ficou viúva o 5 de abril de 2014. É de relixión protestante[7][8]
Obra editar
- The curse of the sacred cow (1994)
- The Invisible Weevil (novela, 1998)
- The Official Wife (novela, 2003)
Participación en obras colectivas editar
- A Woman's Voice (relatos, 1998)[9]
Notas editar
- ↑ Uganda State House (6 de xuño de 2016). "Museveni’s new cabinet list At 6 June 2016" (PDF). Daily Monitor (Kampala). Arquivado dende o orixinal (PDF) o 07 de outubro de 2016. Consultado o 6 de xuño de 2016.
- ↑ "Mary Karooro Okurut: Woman Representative Bushenyi District". Parlamento de Uganda. Arquivado dende o orixinal o 23 de febreiro de 2014. Consultado o 10 de abril de 2014.
- ↑ "Mary Karooro Okurut: Work History 1981 to 2004". Parliament of Uganda. Arquivado dende o orixinal o 13 de abril de 2014. Consultado o 10 de abril de 2014.
- ↑ "Mary B. Karooro Okurut". Public Relations Association of Uganda (PRAU). Arquivado dende o orixinal o 24 de febreiro de 2014. Consultado o 10 de abril de 2014.
- ↑ Uganda State House (1 de marzo de 2015). "Full Cabinet List As At 1 March 2015" (PDF). Daily Monitor. Kampala. Arquivado dende o orixinal (PDF) o 09 de xullo de 2017. Consultado o 28 de agosto de 2019.
- ↑ "History of FEMRITE". Uganda Women Writers' Association. Arquivado dende o orixinal o 11 de outubro de 2014. Consultado o 10 de agosto de 2014.
- ↑ Frederic Musisi (5 de abril de 2014). "Former Transport minister, Stanislaus Okurut Is Dead". Daily Monitor. Arquivado dende o orixinal o 08 de abril de 2014. Consultado o 10 de abril de 2014.
- ↑ Mary Karugaba (9 de abril de 2014). "MPs Pay Tribute to Stanislaus Okurut". New Vision. Arquivado dende o orixinal o 11 de abril de 2014. Consultado o 10 de abril de 2014.
- ↑ "Books Authored or Edited by Mary Karooro Okurut". African Books Collective. Consultado o 10 de abril de 2014.