Martin Wegelius
Martin Wegelius, nado o 10 de novembro de 1846 en Helsinqui e finado na mesma cidade o 22 de marzo de 1906, foi un compositor e pedagogo finlandés.[1] Foi o fundador do Conservatorio de Helsinqui (actualmente coñecido como Sibelius-Akatemia), tendo nesta institución como alumno destacado a Jean Sibelius entre 1885 e 1888.[2]
  | |
| Biografía | |
|---|---|
| Nacemento | 10 de novembro de 1846 Helsinqui |
| Morte | 22 de marzo de 1906 (59 anos) Helsinqui |
| Lugar de sepultura | cemiterio de Hietaniemi |
| Datos persoais | |
| País de nacionalidade | Finlandia |
| Actividade | |
| Ocupación | compositor , pianista , profesor de música , musicólogo , director de coro |
| Xénero artístico | Música clásica |
| Profesores | Rudolf Bibl (en)  , Carl Reinecke (pt) , Josef Rheinberger (pt) e Gabriel Linsén (en) |
| Alumnos | Jean Sibelius, Armas Järnefelt, Toivo Kuula, Erkki Melartin (en) e Selim Palmgren |
| Instrumento | Piano |
Sinatura  | |
   | |
Traxectoria editar
Martin Wegelius naceu en Helsinqui, no Gran Ducado de Finlandia (daquela pertencente ao Imperio Ruso), o 10 de novembro de 1846. Fillo dun funcionario da Helsingin yliopisto, Martin iniciouse na música recibindo clases particulares. Posteriormente cursou literatura e filosofía na universidade da súa cidade natal, graduándose en 1869.[3]
En 1870 trasladouse a Europa Central cunha bolsa de estudos do goberno finlandés, estudando primeiro en Viena co organista Rudolph Bibl, e dende 1877 en Leipzig. Ao seu regreso a Finlandia en 1878 gañou o posto de director da Ópera Finlandesa en Helsinqui, e catro anos despois fundou o Conservatorio da capital finlandesa, institución que dirixiría ata a súa morte.[3] Wegelius era un gran entusiasta da música de Richard Wagner, cuxa música introduciu e difundiu no seu país, e no inverno de 1898 a 1899 fundou xunto cuns amigos unha sociedade wagneriana na capital finlandesa.[4]
Durante os últimos anos do século XIX Martin Wegelius só foi superado en popularidade en Finlandia polo director de orquestra Robert Kajanus, co que acabou mantendo unha forte rivalidade. En 1904 foi nomeado membro da Kungliga Musikaliska Akademien (Real Academia de Música) en Suecia.[3]
Obra editar
Wegelius escribiu unha serie de libros para o uso no Conservatorio, e pasou a maior parte do seu tempo buscando novas e mellores ferramentas educativos. Isto fixo que a súa produción musical non fora moi extensa, reducíndose a algunhas páxinas orquestrais, unha peza concertante para orquestra e piano, algunhas cancións, unha cantata, e diversas pezas instrumentais.[3]
Notas editar
- ↑ Nationalencyklopedin (ed.). "Martin Wegelius" (en sueco). Consultado o 21 de agosto de 2014.
- ↑ sibelius.fi (ed.). "Studies in Helsinki 1885-1888" (en inglés). Consultado o 21 de agosto de 2014.
- ↑ 3,0 3,1 3,2 3,3 allmusic.com (ed.). "Martin Wegelius. Artist Biography by Blair Johnston" (en inglés). Consultado o 21 de agosto de 2014.
- ↑ Matti Huttunen. "Martin Wegelius: Founder of The First Wagner Society in Finland (1846-1906)" (en inglés). Arquivado dende o orixinal o 04 de marzo de 2016. Consultado o 21 de agosto de 2014.
Véxase tamén editar
Ligazóns externas editar
- Projekt Runeberg (en sueco)
- Martin Wegelius: Founder of The First Wagner Society in Finland (1846-1906) Arquivado 04 de marzo de 2016 en Wayback Machine. (en inglés)