Marcus Ward Lyon
Marcus Ward Lyon Jr., nado o 5 de febreiro de 1875 en Rock Island Arsenal (Illinois) e finado o 19 de maio de 1942 en South Bend (Indiana), foi un zoólogo especializado en terioloxía, bacteriólogo e patólogo estadounidense.
 (1917)  | |
| Biografía | |
|---|---|
| Nacemento | 5 de febreiro de 1875 Rock Island Arsenal, Estados Unidos de América (pt)  |
| Morte | 19 de maio de 1942 (67 anos) South Bend, Estados Unidos de América (pt) |
| Lugar de sepultura | Cemiterio Nacional de Arlington |
| Datos persoais | |
| País de nacionalidade | Estados Unidos de América |
| Educación | Universidade Brown Universidade George Washington (pt) Rock Island High School (en) |
| Actividade | |
| Campo de traballo | Zooloxía, terioloxía, bacteriologia (pt) , patoloxía, Parasitoloxía e Oftalmoloxía |
| Ocupación | zoólogo , parasitólogo , oftalmólogo , botánico , bacteriólogo , patólogo , conservador , biólogo , escritor |
| Empregador | Museo Nacional de Historia Natural dos Estados Unidos |
| Membro de | |
| Lingua | Lingua inglesa |
| Obra | |
| Abreviación dun autor en botánica | M.W.Lyon |
| Abreviatura do autor en zooloxía | Lyon |
| Arquivos en | |
| Familia | |
| Cónxuxe | Martha Maria Brewer Lyon (en) (1902–) |
Traxectoria editar
Temperán interese pola zooloxía editar
Nado nunha familia de militares, demostrou axiña un grande interese na zooloxía, recollendo espécimes da fauna local nos arredores dos destinos do seu pai no exército.
Estudos editar
Graduouse na universidade Brown (Providence, Rhode Island) en 1897 e continuou os seus estudos na universidade George Washington (Washington, D.C.), mentres traballaba a tempo parcial no United States National Museum (USNM).[1] En primeiro lugar foi axudante no departamento de mamíferos e profesor na universidade da cidade. Nesta universidade obtivo o seu título de doutor en medicina en 1902 e, despois, en 1913, o seu Ph. D. (doutor en filosofía).
Carreira profesional editar
O 13 de decembro de 1902 casou con Martha Maria Brewer, unión da que nacería unha filla. De 1903 a 1917 ensinou bacterioloxía, patoloxía, medicina veterinaria e parasitoloxía en diversas universidades.
Durante a primeira guerra mundial, en 1917, ingresou no exército dos Estados Unidos, servindo como patólogo no hospital Walter Reed Army Medical Center. En setembro de 1919 pasou á reserva do corpo médico co grao de maior.[2][3]
En 1919, el e a súa esposa Martha, trasladáronse a South Bend, Indiana, onde traballaron nunha clínica recentemente inaugurada, onde a súa esposa traballou como oftalmóloga. Xa antes de mudarse, Lyon publicara moitos artigos sobre mastozooloxía, durante e despois da súa permanencia no USNM. Nestes traballos describira formalmente seis especies, tres xéneros e unha familia (a dos ptilocércidos).
Unha vez en South Bend, comezou a publicar estudos médicos, pero continuando o seu traballo en mastozooloxía, con especial énfase na fauna local de Indiana, e tamén na flora deste estado. Publicou máis de 160 artigos durante a súa carreira.
Foi membro de diversas sociedades científicas, como a Asociación Americana para o Avance da Ciencia, a Washington Academy of Science, a Sociedade Ecolóxica de América, a Sociedade Americana de Mamaloxistas (na que ostentou a presidencia de 1931 a 1933),[2] a Unión Americana de Ornitólogos, a Sociedade Americana de Bacteriólogos, a Academia de Ciencias de Indiana. Máis adiante, Lyon converteuse nun conservacionista.
Falecemento editar
Lyon faleceu o 19 de maio de 1942 en South Bend, Indiana, e está soterrado no Cemiterio Nacional de Arlington.[3]
Algunhas publicacións editar
- Lyon, Jr., M. W. (1904). "Classification of the hares and their allies". Smithsonian institution publication, no. 1456: 321–447.
- Lyon, Jr., M. W. (1906). "Mammals of Banka, Mendanau, and Billiton Islands, between Sumatra and Borneo". Proceedings of the United States National Museum 31 (1498): 575–612.
- Lyon, Jr., M. W. (1906). "Notes on the slow lemurs". Proceedings of the United States National Museum 31 (1494): 527–538.
- Lyon, Jr., M. W. (1907). "Mammals Collected in Western Borneo by Dr. W. L. Abbott". Proceedings of the United States National Museum 33 (1577): 547–571.
- Lyon, Jr., M. W.; Osgood, W.H. (1909). "Catalogue of the type-specimens of mammals in the United States National Museum, including the biological survey collection". Bulletin of the United States National Museum 62 (62): i–x, 1–325.
- Lyon, Jr., M. W. (1913). "Treeshrews: An account of the mammalian family Tupaiidae". Proceedings of the United States National Museum 45 (1976): 1–188.
- Lyon, Jr., M. W. (1936). "Mammals of Indiana". American midland naturalist 17 (1): 1–384. JSTOR 2420156.
- Lyon, Jr., M. W. (1939). Conservation from the naturalist's point of view. Year Book. Indiana Audubon Society.
Abreviaturas editar
Notas editar
- ↑ Hoxe, Museo Nacional de Historia Natural do Instituto Smithsoniano.
- ↑ 2,0 2,1 Layne, J. N. & Hoffmann, R. S. (1994): "Presidents". En Birney, E. C. & Choate, J. R. Seventy-five years of mammalogy (1919–1994). Special Publication Nº 11. American Society of Mammalogists. ISBN 0-935868-73-9.
- ↑ 3,0 3,1 Just, T. (1942): "Marcus Ward Lyon, Jr. 1875–1942". American Midland Naturalist 27 (3): ii–xv.
Véxase tamén editar
Wikimedia Commons ten máis contidos multimedia na categoría: Marcus Ward Lyon  |
Bibliografía editar
- Allen G. Debus, dir. (1968): World Who’s Who in Science. A Biographical Dictionary of Notable Scientists from Antiquity to the Present. Marquis-Who’s Who (Chicago).