María Victoria Fernández-Latorre
María Victoria Fernández-Latorre Ozores, nada en Madrid o 8 de xaneiro de 1906 e finada na mesma cidade o 19 de decembro de 2000, foi unha muller da burguesía galega.
María Victoria Fernández-Latorre | |
---|---|
Nacemento | 8 de xaneiro de 1906 |
Lugar de nacemento | Madrid |
Falecemento | 19 de decembro de 2000 |
Lugar de falecemento | Madrid |
Nacionalidade | España |
Pai | Juan Fernández Latorre |
Cónxuxe | José Fernández-España Vigil |
Fillos | Santiago Rey Fernández-Latorre e María Victoria Fernández-España |
[ editar datos en Wikidata ] | |
Traxectoria editar
Foi a segunda filla de Juan Fernández Latorre, fundador de La Voz de Galicia, e de Felisa Ozores de Prado. Naceu no Palacio do Goberno Civil de Madrid, cando seu pai ocupaba o cargo de gobernador civil. Recibiu o seu nome por María Victoria Montero Ríos, filla de Eugenio Montero Ríos e esposa de Manuel García Prieto.
Residiu nun piso fronte ao Teatro Real de Madrid, e pasou longas estancias no pazo de Miraflores, en Oleiros. De nova, xunto coa súa irmá Felisa, tivo unha institutriz francesa.
En setembro de 1924 casou co enxeñeiro José Fernández-España Vigil, finado en 1927 en accidente de circulación. Con el foi nai de María Victoria Fernández-España (nada en xuño de 1925) e de María Josefa Fernández-España, que naceu cando o pai xa morrera. En abril de 1931 casou en segundas nupcias co licenciado en Farmacia Emilio Rey Romero, e foi nai de Emilio (1932), Paloma e Santiago Rey Fernández-Latorre (1938).
Véxase tamén editar
Ligazóns externas editar
- "Falleció la hija del fundador de La Voz", artigo en La Voz de Galicia, 20 de decembro de 2000 (en castelán).