Loterías y Apuestas del Estado

Loterías y Apuestas del Estado é unha sociedade mercantil estatal adscrita ao Ministerio de Facenda e Administracións Públicas de España, a través do Grupo Patrimonio do Estado, a quen corresponde a dirección estratéxica e a avaliación e control de eficacia.

Historia e características editar

O Organismo Nacional de Loterías y Apuestas del Estado (ONLAE) foi creado en 1984 mediante a integración e unificación das institucións que ata ese momento viñan xestionando os xogos de titularidade estatal, o Patronato de Apuestas Mutuas Deportivas Benéficas e o Servicio Nacional de Loterías. No ano 2000 transfórmase en entidade pública empresarial Loterías y Apuestas del Estado. En 2010 crea a actual Sociedad Estatal Loterías y Apuestas del Estado (SELAE).

Esta entidade encárgase da xestión, explotación e comercialización de todo tipo de lotarías e xogos de ámbito nacional ou sempre que superen o ámbito dunha comunidade autónoma. Tradicionalmente, os premios dos seus xogos estaban exentos de impostos na declaración do IRPF. A principios de 2013, o Ministro de Facenda Cristóbal Montoro, introduce un novo imposto do 20% para os premios superiores a 2.500 euros.^[1]

Sorteos editar

Loterías y Apuestas del Estado actualmente realiza os seguintes sorteos:

Lotaría Nacional
- Sorteo Extraordinario de Nadal
- Sorteo Extraordinario do Neno
Lotaría Primitiva
Euro Millones (en colaboración con outras entidades europeas)
Bono Loto
El Gordo de la Primitiva
La Quiniela
El Quinigol
Lototurf
Quíntuple Plus

Notas editar

↑ ABC, ed. (28 de setembro de 2012). "Os gañadores de premios de lotaría superiores a 2.500 euros deberán abonar un 20% a Facenda".

Véxase tamén editar

Ligazóns externas editar

[1] ABC, ed. (28 de setembro de 2012). "Os gañadores de premios de lotaría superiores a 2.500 euros deberán abonar un 20% a Facenda".

[1]