Lisa Randall

física estadounidense

Lisa Randall, nada en Nova York o 18 de xuño de 1962, é unha física teórica estadounidense, especializada na física de partículas e cosmoloxía. Traballou en varios dos modelos de teoría de cordas que tratan de explicar o funcionamento íntimo do universo. A súa achega máis coñecida neste eido é o modelo de Randall-Sundrum ou modelo RS publicado en 1999 xunto con Raman Sundrum.[1] Foi a primeira muller en ocupar un posto no departamento de física da Universidade de Princeton e a primeira muller Física Teórica no MIT e na Universidade Harvard.

Lisa Randall
Nacemento18 de xuño de 1962
Lugar de nacementoQueens
NacionalidadeEstados Unidos de América
Relixiónateísmo
Alma máterUniversidade Harvard e Stuyvesant High School
Ocupaciónescritora, profesora universitaria, físico teórico e física
IrmánsDana Randall
PremiosPrêmio Presidencial Jovem Investigador, Julius Wess Prize, Fellow of the American Physical Society, Prêmio Lilienfeld, Fellow of the American Academy of Arts and Sciences, Prêmio Sakurai, Bolsa de estudos Guggenheim, Erna Hamburger Prize e Prêmio Andrew Gemant
Na rede
IMDB: nm1578283 Twitter: lirarandall Editar o valor em Wikidata
editar datos en Wikidata ]

Traxectoria editar

Nada no barrio de Queens en Nova York, conseguiu o primeiro premio no concurso de talentos científicos Westinghouse de 1980, á idade de 18 anos. Licenciada (BA) en Harvard en 1983 e doutorada en física de partículas en 1987 baixo a dirección de Howard Georgi. Entrou a formar parte da Academia Americana de Artes e Ciencias en 2004. Foi nomeada pola revista Newsweek no número "Who's next" de xaneiro de 2006 como "unha das máis prometedoras físicas teóricas da súa xeración"

En 2010, Lisa Randall investiga sobre física de partículas e cosmoloxía na Universidade Harvard, onde traballa como profesora de física teórica. A súa investigación céntrase nas partículas elementais e as forzas fundamentais, incluíndo unha variedade de modelos que supoñen espazos con varias dimensións adicionais, sendo o máis coñecido o Modelo de Randall-Sundrum. Tamén traballou noutros eidos como a supersimetría, o modelo estándar, a inflación cósmica ou a relatividade xeral. O seu libro "Warped Passages" foi engadido na lista dos 100 libros máis notables do ano 2005 polo New York Times.

Logo de obter o seu doutoramento en Harvard, exerceu como profesora no MIT e na Universidade de Princeton antes de volver a Harvard en 2001.

Notas editar

Véxase tamén editar

Ligazóns externas editar