Lingua moldova

A lingua moldova (limba moldovenească, ou лимба молдовеняскэ) é un dos nomes da lingua romanesa na República de Moldavia, e segundo o Artigo 13 da constitución; o outro nome, recoñecido pola Declaración de Independencia de Moldavia e o Tribunal constitución é "romanés".

A nivel oficial, o Tribunal Constitucional interpretou no 2013 que o Artigo 13 da constitución foi substituído pola Declaración de Independencia, dando así un estatuto oficial á lingua nomeado como 'romanés'.

Ortografía

Un sinal de "Benvidos!" en cirílico moldovo en Tiráspol, Transnistria, 2012. A frase en alfabeto latino sería: "Bine ați venit!"

A lingua foi escrita, xeralmente, en alfabeto romanés cirílico (baseado no alfabeto do antigo eslavo eclesiástico) antes do século XIX. Dende aí até a primeira guerra mundial, foron usados o antigo cirílico e o latino, até que o antigo cirílico caeu en desuso. No período de entreguerras, as autoridades soviéticas da República Socialista Soviética Autónoma de Moldavia usaron o latino e o cirílico para escribir a lingua, debido ás metas políticas dese tempo. Entre 1940 e 1989, durante o dominio soviético do país, o novo alfabeto cirílico moldovo substituíu o alfabeto latino como o alfabeto oficial de Moldavia. En 1989, o alfabeto latino foi, de novo, adoptado en Moldavia, xunto coas regras ortográficas usadas en Romanía nese tempo. Porén, en Transnistria seguese usando o alfabeto cirílico.

Véxase tamén

Bibliografía

• Ciscel, Matthew H. (2007). Lexington Books, ed. The Language of the Moldovans: Romania, Russia, and Identity in an Ex-Soviet Republic. Lanham. ISBN 0-7391-1443-3.  – About the identity of the contemporary Moldovans in the context of debates about their language.