Leonid Brezhnev
Leonid Ilich Brezhnev (en ruso: 
Леонид Ильич Брежнев (axuda · info); en ucraíno: Леонід Ілліч Брежнєв), nado o 19 de decembro de 1906 (calendario gregoriano) e finado o 10 de novembro de 1982, foi o Secretario Xeral do Comité Central (CC) do Partido Comunista da Unión Soviética (PCUS), presidindo o país dende 1964 ata a súa morte no ano 1982. Foi o segundo Secretario Xeral que estivo máis tempo no poder, 18 anos, sendo só superado por Stalin. Durante o mandato de Brezhnev, a influencia mundial da Unión Soviética aumentou espectactacularmente, en parte grazas á expansión do exército soviético durante esta época, pero o seu mandato recibiu moitas crítica por marcar o comezo dun período de estancamento económico no cal se pasaron por alto unha serie de problemas económicos, problemas que co tempo provocaron a disolución da Unión Soviética en 1991.
.jpg)
.svg){kind=small}
Traxectoria editar
Brezhnev naceu en Kamenskoe, nunha familia traballadora rusa. Despois de graduarse na Universidade Metalúrxica de Dniprodzerzhynsk, converteuse nun enxeñeiro metalúrxico na industria do ferro e o aceiro, en Ucraína. Incorporouse ao Komsomol en 1923, e 1929 converteuse nun activo membro do Partido Comunista. Reclútarono no exército durante a segunda guerra mundial e abandonouno en 1946, co rango de Tenente Xeneral. En 1952 Brezhnev converteuse en membro do Comité Central, e en 1964, sucedeu a Nikita Khrushchev como Primeiro Ministro. Alexei Kosygin sucedeu a Khrushchev no seu posto como Presidente do Consello de Ministros. Como líder preocupouse por consultar aos seus compañeiros antes de actuar, pero o seu intento por gobernar sen realizar grandes cambios económicos levou a un decrecemento da economía nacional na década de 1970, un período coñecido como o Estancamento brezhneviano. O aumento no gasto militar, no momento da morte de Brezhnev superaba o 15% do PIB do país, e un liderado ineficaz sentaron as bases para o decrecemento do PIB, en comparación co crecemento dos países occidentais. Mentres estivo á fronte da URSS, Brezhnev impulsou unha política de distensión entre os países do leste e o oeste de Europa. Dirixiu a invasión de Checoslovaquia para tentar rematar coa Primavera de Praga[1], e a súa última decisión de transcendencia foi a de enviar tropas soviéticas para invadir Afganistán, nun intento de salvar o débil goberno que estaba a pelexar contra os muyahidíns.
Brezhnev morreu o 10 de novembro de 1982 e foi rapidamente substituído no seu posto de Secretario Xeral por Yuri Andropov. Brezhnev fomentara o culto á personalidade, aínda que en menos medida que Stalin. Mikhail Gorbachev, que dirixiu a URSS dende 1985 a 1991, criticou o seu legado e dirixiu o proceso de liberalización da Unión Soviética.
Notas editar
Véxase tamén editar
| A Galipedia ten un portal sobre: Rusia |
Ligazóns externas editar
| Commons ten máis contidos multimedia sobre: Leonid Brezhnev |
- Annotated Bibliography for Leonid Brezhnev from the Alsos Digital Library for Nuclear Issues (en inglés)
- Our Course: Peace and Socialism Collection of Brezhnev's 1973 speeches (en inglés)
- CCCP TV Videoprograms with L. Brezhnev on Soviet TV portal (en ruso)