Leis de Mańczak
As leis de Mańczak son unha serie de enunciados que resumen xeneralizacións estatísticas sobre tendencias observadas no cambio lingüístico das linguas que relacionan a frecuencia dos morfemas, a lonxitude dos mesmos e outros aspectos coa maior ou menor facilidade para o cambio. Estas leis foron enunciadas polo romanista Witold Mańczak en varias publicacións (1958, 1963, 1978, 1989).
Primeira lei editar
A primeira lei de Mańczak refírese ao feito de que as linguas buscan a miúdo suprimir a variedade alomórfica en beneficio da uniformidade e a simplicidade morfolóxica. A este proceso de eliminación de alternativas equivalentes ás veces chámanlle nivelación analóxica. A formulación do propio Mańczak desta xeneralización é:
- 1ª LEI Os morfemas de idéntico significado desaparecen máis frecuentemente do que aparecen.
Segunda e terceira lei editar
Estas dúas leis recollen o feito de que os elementos "máis lixeiros" fonicamente, son os que son retidos en maior grao e son máis resistentes ao cambio. Isto parece relacionado dalgunha maneira co principio de economía lingüística e mínimo esforzo. A segunda lei fala da probabilidade de substitución dun tipo de elementos por outros, o enunciado desta segunda lei é:
- 2ª LEI No que atinxe a:
- a) os morfemas máis breves - os morfemas máis longos,
- b) as palabras máis breves - as palabras máis longas,
- c) as palabras - os grupos de palabras,
- os primeiros son substituídos máis frecuentemente polos segundos que viceversa.[Cómpre clarificar]
A terceira fala da retención, non da substitución e afirma que:
- 3ª LEI No que atinxe a:
- a) os morfemas máis breves - os morfemas máis longos,
- b) as palabras máis breves - as palabras máis longas,
- c) as palabras - os grupos de palabras,
- os primeiros consérvanse máis frecuentemente que os segundos, os primeiros manteñen o seu carácter arcaico máis frecuentemente que os segundos, os primeiros provocan a modificación dos últimos máis frecuentemente que viceversa.
Cuarta lei editar
A cuarta lei recolle o feito constatado de que certos cambios de asimilación analóxica se producen preferentemente en certa dirección, feito que foi sinalado previamente por Kuryłowicz.
- 4ª LEI No que atinxe ás formas máis frecuentes e ás formas menos frecuentes, por exemplo as:
- a) de singular - dos doutros números (dual, plural)
- b) do indicativo - dos outros modos,
- c) do presente - dos outros tempos,
- d) da 3ª persoa - das outras persoas,
- e) os numerais inferiores - os numerais superiores,
- f) os numerais cardinais - os numerais ordinais,
- as primeiras formas mantéñense máis frecuentemente que as segundas, as primeiras conservan un carácter arcaico máis frecuente que as segundas, as primeiras provocan a modificación das segundas máis que viceversa, as primeiras substitúen ás outras máis frecuentemente que viceversa.
Quinta lei editar
Esta é unha lei de alcance máis restrinxido, referida basicamente á onomástica, que afirma:
- 5ª LEI No que atinxe a:
- a) os casos locais dos nomes xeográficos - os mesmos casos dos nomes comúns
- b) os casos non locais dos nomes comúns - os mesmos casos dos nomes xeográficos,
- c) os nomes comúns - os nomes propios de persoa,
- os primeiros conservan un carácter arcaico máis frecuentemente que os outros.
Notas editar
Véxase tamén editar
Bibliografía editar
- Javier Elvira (1998): El cambio analógico, Ed. Gredos, ISBN 978-84-2491965-8.