La Unión Republicana
La Unión Republicana foi un periódico editado en Pontevedra entre 1892 e 1899.
| La Unión Republicana | |
|---|---|
| Localidade | Pontevedra |
| Na rede | |
 | |
| [ editar datos en Wikidata ] | |
Historia e características editar
Apareceu o 2 de febreiro de 1892. En 1897 cambiou a súa cabeceira por La Unión : Diario republicano de Pontevedra y la provincia. De carácter republicano, foron os seus directores Valentín Peña, Vicente García Temes e José Juncal Verdulla, e tiña como redactores a Emilio Couto, Emiliano Iglesias, Severino Pérez Vázquez, José Barral Campos e Felipe Isla Gómez. Mantivo un enfrontamento co periódico católico El Áncora que levou á excomuñón do xornal polo cardeal Martín de Herrera o 23 de febreiro de 1898. José Juncal foi encarcerado en 1898 e Emiliano Iglesias Ambrosio procesado, acusado de atentado contra a liberdade do culto católico e a forma de Estado, outros redactores foron tamén procesados. Foi suspendido pola censura en setembro de 1898.[1] Finalmente, a publicación foi suspendida en xaneiro de 1899.
Notas editar
- ↑ Revista Gallega, 186, 2-10-1898 p. 4.
Véxase tamén editar
Bibliografía editar
- Pereira Martínez, Carlos (2004). "A Familia Poza: Un exemplo de republicanismo e librepensamento en Pontevedra" (PDF). Anuario Brigantino (27): 265–312. Consultado o 28 de agosto de 2012.
- Santos Gayoso, Enrique (1990). Historia de la prensa gallega 1800-1986. Cuadernos do Seminario de Sargadelos (en castelán) 52. Sada: Ediciós do Castro. ISBN 84-7492-489-8.
- "Unión Republicana, La". Enciclopedia Galega Universal. Ir Indo. 1999-2002. ISBN 84-7680-288-9.