Karlstad é a cidade máis grande e capital do condado sueco de Värmland e atópase situada no municipio do mesmo nome. A cidade ten 87.000 habitantes e ten unha universidade e unha catedral.

Modelo:Xeografía políticaKarlstad
Imaxe

Nomeado en referencia aCarlos IX de Suecia Editar o valor em Wikidata
Localización
Mapa
 59°23′15″N 13°30′36″L / 59.387471, 13.50998Coordenadas: 59°23′15″N 13°30′36″L / 59.387471, 13.50998
EstadoSuecia
Condadocondado de Värmland
MunicipiosConcello de Karlstad Editar o valor em Wikidata
Capital de
Poboación
Poboación67.122 (2020) Editar o valor em Wikidata (2.205,78 hab./km²)
Xeografía
Superficie3.043 ha Editar o valor em Wikidata
Altitude64 m Editar o valor em Wikidata
Datos históricos
Evento clave
2 de xullo de 1865incendio Editar o valor em Wikidata
Identificador descritivo
Código postal65X XX Editar o valor em Wikidata
Fuso horario
Prefixo telefónico054 Editar o valor em Wikidata

Karlstad está localizada no delta do río máis grande de Suecia, o Klarälven, que desemboca no lago máis grande do país, o Vänern. A cidade ten o segundo porto nun lago máis grande de Suecia tras Västerås.

Karlstad adoita a asociarse co sol e o seu símbolo é un sol sorrinte. Karlstad ten a fama de ser unha das cidades máis soleadas de Suecia e unha camareira local, coñecida como "Sola i Karlstad" (o Sol en Karlstad) pola súa amabilidade, tamén é un os símbolos da cidade e ten unha estatua no centro.

Historia editar

Na illa máis grande de Karlstad tiña lugar un consello chamado Tingvalla na Idade Media, que tiña as súas raíces na era viquinga antes do ano 1.000. O lugar tamén adoitaba usarse como mercado.

A Karlstad concedeulle o título de cidade o duque Carlos o 5 de marzo de 1584, o cal posteriormente sería coroado como o rei Carlos IX de Suecia. O nome da cidade deriva do rei (Karlstad significa literalmente "cidade de Carlos"). O duque tamén lle garantiu a Karlstad o dereito a ter a sede do goberno da rexión, e concedeulle unha considerable cantidade de terra.

 
Sola i Karlstad

O duque construíu a súa propia casa na cidade, coñecida como Kungsgården (a leira do rei). A catedral de Karlstad construiríase no lugar da Kungsgården entre 1724 e 1730.

O golpe de estado máis significativo na historia moderna de Suecia tivo a súa orixe en Karlstad. Durante a noite do 7 de marzo de 1809, o tenente coronel Georg Adlersparre usou parte do exército occidental que estaba en Värmland para ocupar Karlstad. Dende alí proclamou oficialmente unha revolución, e durante o 9 de marzo el e os seus soldados comezaron a súa exitosa marcha cara a capital para rematar co reinado do rei Gustavo IV Adolfo de Suecia.

Karlstad tivo catro grandes incendios. Só a catedral e un feixe de casas sobreviviron ao último deles, o 2 de xullo de 1865. Karlstad sería reconstruído segundo un patrón de grella con amplas rúas rodeadas por árbores.

En 1905 o acordo para disolver a unión entre Noruega e Suecia negociouse e asinouse en Karlstad.