Julie Delpy

Julie Delpy, nada en París o 21 de decembro de 1969 é unha actriz, directora de cine, guionista e cantautora franco-estadounidense. Estudou cinema na Tisch School of the Arts da Universidade de Nova York e dirixiu, escribiu ou interpretou máis de trinta filmes, incluídos Hitlerjunge Salomon (1990), Voyager (1991), Trois couleurs: Blanc (1993), a triloxía iniciada con Before Sunrise (1995, 2004, 2013), An American Werewolf in Paris (1997) e Deux jours à Paris (2007). Foi candidata a tres premios César, dous Online Film Critics Society Awards e dous premios Óscar. Mudouse aos Estados Unidos en 1990 e obtivo a cidadanía estadounidense en 2001.

Julie Delpy

Biografía
Nacemento	21 de decembro de 1969 (54 anos) XIV Distrito de París, Francia
Datos persoais
Residencia	Nova York Os Ánxeles París
País de nacionalidade	Francia Estados Unidos de América
Educación	New York University Tisch School of the Arts (en)
Actividade
Campo de traballo	Composición musical
Lugar de traballo	Estados Unidos de América
Ocupación	actriz de cinema , cantante , montador , produtora , directora de cine , cantautora , compositora , guionista , actriz de televisión
Período de tempo	Século XXI
Período de actividade	1978 -
Membro de	Writers Guild of America, West
Lingua	Lingua francesa e lingua inglesa
Instrumento	Voz
Familia
Parella	Marc Streitenfeld (2007–2012)
Pais	Albert Delpy (pt)   e Marie Pillet (pt)
Premios (15 de abril de 2022)  oficial da Orde das Artes e as Letras (2017)  European Film Academy Achievement in World Cinema Award (en) (2013)  National Society of Film Critics Award for Best Screenplay (en) , premiado polo traballo Antes da Meia-Noite (pt) (2004)  San Francisco Bay Area Film Critics Circle Award for Best Actress (en) , premiado polo traballo Before Sunset (pt)  cabaleiro da orde das Artes e as Letras

Traxectoria

Primeiros anos

Julie Delpy naceu en París, filla única de Albert Delpy, actor e director teatral, e de Marie Pillet, actriz cinematográfica e de teatro de vangarda. A súa nai tamén foi coñecida por asinar en 1971 o Manifesto das 343, asinado por mulleres que defendían os dereitos reprodutivos e admitían que abortaran cando o aborto era ilegal en Francia. No filme de Delpy de 2007 Deux jours à Paris, a personaxe da súa nai está interpretada pola súa nai na vida real e explica que asinou o manifesto, reflectindo a súa acción real. Pillet faleceu en 2009.

Animada polo ambiente artístico en que creceu, Delpy debutou no teatro con cinco anos e aos catorce obtivo o seu primeiro papel no cinema en Detéctive, dirixido por Jean-Luc Godard. Dous anos máis tarde, foi escollida como protagonista de La Passion Béatrice, pola que foi candidata ao premio César á mellor actriz revelación. Co salario pagou a súa primeira viaxe a Nova York, cidade que visitou regularmente ata que se instalou nela en 1990.

Carreira profesional

Delpy no Festival de Cannes, 2002.

Delpy obtivo éxito internacional polo seu papel no filme de 1990 Hitlerjunge Salomon, coa súa interpretación de Leni, unha rapaza nazi que se namora de Solomon Perel sen saber que é xudeu. Tras isto, fóronlle ofrecidos moitos papeis, tanto en Hollywood como en Europa.

En 1993, foi escollida polo director Krzysztof Kieślowski para participar no segundo filme da súa triloxía Trois couleurs. Foi a protagonista de Blanc e fixo aparicións nas outras dúas partes da serie.

Delpy, interesada pola dirección dende a súa infancia, debutou como directora en 1995 coa curtametraxe Blah Blah Blah. En 2002 dirixiu a súa primeira longametraxe, Looking for Jimmy, que tamén escribiu e produciu. De carácter experimental, foi estreado en Francia e nos Estados Unidos, mais pasou desapercibido. En 2007 estreou Deux jours à Paris, dirixida, escrita e protagonizada por ela, na que ademais compuxo a banda sonora. Nela actuaron Adam Goldberg e Daniel Brühl e os pais da actriz, Albert Delpy e Marie Pillet, interpretaron os pais da protagonisata.

A súa consolidación nos Estados Unidos chegou a raíz da participación xunto con Ethan Hawke no filme de 1995 Before Sunrise, dirixido por Richard Linklater.

Filmografía

Como actriz

Ano	Título	Personaxe	Notas
1978	Guerres civiles en France		Acreditada como Julie Pillet Episodio La semaine sanglante
1982	Niveau moins trois		Curtametraxe
1985	Classique		Curtametraxe
1985	Détective	Wise young girl
1985	L'Amour ou presque	Melie
1986	Mauvais Sang	Lise
1987	La Passion Béatrice	Beatrice de Cortemart
1987	King Lear	Virginia (sen acreditar)
1988	L'autre nuit	Marie
1989	La noche oscura	Virxe María
1989	Trouble		Curtametraxe
1990	Europa Europa	Leni
1991	Les dents de ma mère	Julie	Curtametraxe
1991	Voyager	Sabeth
1992	Warszawa. Rok 5703	Fryda
1993	The Three Musketeers	Constance
1993	Younger and Younger	Melodie
1993	Killing Zoe	Zoe
1993	Trois couleurs: Bleu	Dominique (cameo)
1994	Trois couleurs: Blanc	Dominique
1994	Trois couleurs: Rouge	Dominique (cameo)
1995	Blah Blah Blah	Curtametraxe	Tamén directora, guionista e produtora
1995	Before Sunrise	Céline
1996	Tykho Moon	Lena
1997	Les mille merveilles de l'univers	Eva Purpur
1997	An American Werewolf in Paris	Serafine Pigot
1997	Alleys and Motorways		Vídeo
1998	The Treat	Francesca
1998	L.A. Without a Map	Julie
1998	Crime and Punishment	Sonia	Telefilme
1999	True Love		Telefilme
1999	The Passion of Ayn Rand	Barbara Branden	Telefilme
1999	But I'm a Cheerleader	Lipstick Lesbian
2000	Sand	Lill
2001	Investigating Sex	Chloe	Tamén coñecido como Intimate Affairs
2001	MacArthur Park	Wendy
2001	Waking Life	Céline
2001	Beginner's Luck	Anya
2001	ER	Nicole	Serie de televisión, 7 capítulos
2002	Villa des roses	Louise Creteur
2002	Looking for Jimmy	Al	Tamén directora, guionista e produtora
2002	CinéMagique	Marguerite	Atracción do parque temático de Disney
2003	Notting Hill Anxiety Festival	Charlotte
2004	Before Sunset	Céline	Tamén guionista e compositora
2004	Frankenstein	Caroline Frankenstein	Miniserie
2005	Broken Flowers	Sherry
2006	The Legend of Lucy Keyes	Jeanne Cooley
2006	The Hoax	Nina van Pallandt
2006	Guilty Hearts	Charlotte
2007	The Air I Breathe	Gina
2007	Deux jours à Paris	Marion	Tamén directora, guionista e produtora
2009	The Countess	Erzsébet Báthory	Tamén directora, guionista e produtora
2011	Skylab	Anna	Tamén directora e guionista
2012	2 Days in New York	Marion	Tamén directora e guionista
2013	Before Midnight	Céline
2015	Avengers: Age of Ultron	Madame B.
2015	Lolo	Violette	Tamén directora e guionista
2016	Wiener-Dog	Dina
2017	The Bachelors	Carine
2019	My Zoe	Isabelle	Tamén directora e guionista

Como cineasta

Ano	Título	Acreditada como				Notas
		Directora	Guionista	Produtora	Compositora
1995	Blah Blah Blah	Si	Si			Curtametraxe
2002	Looking for Jimmy	Si	Si	Si		Tamén montadora
2004	J'ai peur, j'ai mal, je meurs	Si	Si		Si	Curtametraxe
2004	Before Sunset		Si		Si
2007	Deux jours à Paris	Si	Si	Si	Si	Tamén montadora
2009	The Countess	Si	Si	Si	Si
2011	Skylab	Si	Si
2012	2 Days in New York	Si	Si	Si	Si
2013	Before Midnight		Si
2013	Making a Scene		Si			Curtametraxe
2015	Lolo	Si	Si