Juliana Hatfield
Juliana Hatfield, nada o 27 de xullo de 1967 en Wiscasset, Maine, é unha guitarrista e compositora estadounidense que tocou nas bandas de indie rock Blake Babies e Some Girls e na actualidade actúa en solitario.[1][2]
  | |
| Biografía | |
|---|---|
| Nacemento | 27 de xullo de 1967 (56 anos) Wiscasset, Estados Unidos de América (en)  |
| Datos persoais | |
| País de nacionalidade | Estados Unidos de América |
| Educación | Berklee College of Music (pt) Duxbury High School (en) Universidade de Boston |
| Actividade | |
| Campo de traballo | Composición musical |
| Ocupación | cantautora , guitarrista , autobiógrafa , compositora , artista discográfico |
| Período de actividade | 1986 - |
| Xénero artístico | Música rock |
| Instrumento | Baixo e guitarra |
| Selo discográfico | American Laundromat Records (en) Atlantic Records Mammoth Records (pt) |
| Páxina web | julianahatfield.com |
           | |
Traxectoria editar
Nada en Wiscasset, Maine, viviu ata a adolescencia en Duxbury, Massachusetts. A pesar de estar próxima a fervente cidade de Boston, en Duxbury Juliana tivo un acceso tardío ao rock. Dende pequena interesouse pola música, estudou piano e cantaba, pero só achou o seu camiño cando descubriu bandas como Replacements e Velvet Underground. Na súa época de universitaria mudouse a Boston para estudar canto no Berklee College of Music, xa coa idea de formar unha banda. Alí coñeceu a John Strohm (guitarrista) e a Brenda Love (batería) e con eles formou Blake Babies, en 1986.
Blake Babies editar
Blake Babies lanzou o seu primeiro álbum, Nicely, Nicely, en 1987, e a partir dese momento a banda comezou a definir o seu son aproximándose a bandas contemporáneas como R.E.M. e Throwing Muses, con Juliana como principal compositora e vocalista.
A banda editou dous discos máis, Earwig e Sunburn, e converteuse nunha das bandas máis prometedoras da escena de Boston, xunto con The Lemonheads. Nese momento, xusto cando estaban a piques de dar o salto ao gran público, Blake Babies anunciou a súa disolución. Strohm e Brenda Nunes formaron Antenna e Juliana comezou a súa carreira en solitario.
Carreira en solitario editar
O seu primeiro disco en solitario, Hey Babe, foi lanzado a través do selo Mammoth Records en 1992 e converteuse nun dos traballos independentes máis vendidos dese ano, superando a cifra das 300.000 copias vendidas. Hatfield recrutou unha sección rítmica formada polo antigo batería de Moving Targets e Bullet LaVolta Todd Phillips, e polo baixista de Thudpucker Dean Fisher, converténdose en The Juliana Hatfield Three.
Hatfield acadou o estrelato dentro do rock alternativo coa edición en 1993 de Become What You Are (baixo o nome de The Juliana Hatfield Three). Varios temas do disco foron emitidas regularmente en grandes emisoras estadounidenses, co seu tema "My Sister" converténdose no maior éxito da súa carreira, chegando ao número 1 da lista Modern Rock Tracks. Partes do vídeo de "Universal Heartbeat" aparecería nun episodio de Beavis and Butt-Head. Outra das súas cancións, "Spin the Bottle", foi usada na banda sonora da película Reality Bites (1994). Hatfield tamén apareceu na portada da revista Spin.
Discografía editar
En solitario editar
- Hey Babe - 1992 (Mammoth)
- Become What You Are - 1993 (Atlantic)
- Only Everything - 1995 (Atlantic)
- Bed - 1998 (Zoë / Rounder)
- Beautiful Creature - 2000 (Zoë / Rounder)
- Total System Failure - 2000 (Zoë / Rounder)
- In Exile Deo - 2004 (Zoë / Rounder)
- Made in China - 2005 (Ye Olde Records)
Con Blake Babies editar
Notas editar
- ↑ "Juliana Hatfield". www.nndb.com. Consultado o 2019-02-07.
- ↑ "Juliana Hatfield Background". web.archive.org. 2007-09-27. Archived from the original on 27 de setembro de 2007. Consultado o 2019-02-07.
Véxase tamén editar
Wikimedia Commons ten máis contidos multimedia na categoría: Juliana Hatfield  |
Ligazóns externas editar
|
Este artigo sobre música é, polo de agora, só un bosquexo. Traballa nel para axudar a contribuír a que a Galipedia mellore e medre.
Existen igualmente outros artigos relacionados con este tema nos que tamén podes contribuír. |