Juan González Montenegro
Juan González Montenegro, nado en Noia o 17 de febreiro de 1861, foi un xornalista, escritor, militar e explorador galego.
  | |
| Biografía | |
|---|---|
| Nacemento | 17 de febreiro de 1861 Noia |
| Morte | século XX Arxentina |
| Datos persoais | |
| País de nacionalidade | España |
| Actividade | |
| Ocupación | xornalista , escritor , militar |
| Pseudónimo literario | El Brujo Montenegro |
| Lingua | Lingua castelá |
Traxectoria editar
Estudou o Bacharelato en Santiago de Compostela. Emigrou a Cuba en 1875, con catorce anos. Dedicouse ao xornalismo, colaborando en La Voz de Cuba, La Patria e El Asimilista e fundou os semanarios El Duende e El Noticiero Ilustrado e os xornais El Brujo, El Combate de Camajuaní, La Tribuna de Manzanillo, La Opinión Pública de Santiago de Cuba, La Nación e La Voz de Galicia, no que popularizou os pseudónimos El Brujo e Montenegro. Mantivo polémicas con Waldo Álvarez Insua. Publicou por entregas na Coruña El álbum de un guerrillero, páginas de la guerra de Cuba de 1895 a 1898 sobre a guerra Hispano-Estadounidense na que loitou contra a emancipación dos cubanos.
En 1899 marchou a Montevideo e logo a Buenos Aires, onde dirixiu Correo de Galicia na súa segunda etapa (1899-1900). Organizou unha expedición ao Chaco Boreal na procura de Ibarreta, a quen encontrou xa morto cando chegou a Asunción. Estivo seis anos na selva e explorou de Orán a Yacuivy e logo de alí a Acre. Faleceu na Arxentina.
Obras editar
- El álbum de un guerrillero, páginas de la guerra de Cuba de 1895 a 1898, 1899.
- A través de los desiertos. Aventuras de un explorador, 1907.
- España no muere (drama lírico).
Véxase tamén editar
Bibliografía editar
- Marco, Aurora. Liceo de Noia, ed. "Juan González Montenegro. O intrépido explorador de Grande Chaco" (PDF). Alameda (4): 17–20. Arquivado dende o orixinal (PDF) o 09 de xaneiro de 2015. Consultado o 9 de xaneiro de 2015.
Ligazóns externas editar
- Un noiés en América, noticia de La Voz de Galicia