Juan Ávila
Juan Manuel Ávila Francés, nado en Cuenca o 24 de maio de 1967, é un político español, membro do PSOE e alcalde de Cuenca desde 2011.
| Juan Ávila | |
| Actualmente no cargo | |
| Dende o 11 de xuño de 2011 | |
| Precedido por | Francisco Javier Pulido (PP) |
| xullo de 2007 – 15 de xullo de 2011 | |
| Precedido por | Luis Muelas (PSOE) |
| Sucedido por | Benjamín Prieto Valencia (PP) |
Datos persoais
| |
| Nacemento | 24 de maio de 1967 (56 anos) Cuenca (Castela-A Mancha) |
| Partido | Partido Socialista Obrero Español (PSOE) |
| Profesión | Economista |
| Alma máter | Universidade Autónoma de Madrid |
Nacido en Cuenca, pasou parte da súa infancia en Huete, o pobo dos seus pais, onde cursou estudos de Educación Básica. Máis tarde trasladouse a Cidade Real, onde realizou os seus estudos de Bacharelato e con 17 anos mudouse coa súa familia a Cuenca, onde fixo COU. En Madrid licenciouse en Ciencias Económicas e Empresariais na Universidade Autónoma de Madrid. Entre 1993 e 2001 traballou como asesor do Defensor do Pobo, até que foi nomeado Delegado da Consellaría de Benestar Social da Xunta de Comunidades de Castela-A Mancha en Cuenca baixo o goberno de José Bono.
Membro do PSOE, en 2003 foi elixido concelleiro polo PSOE no Concello de Cuenca, sendo nomeado tenente de alcalde en 2005 polo entón alcalde José Manuel Martínez Cenzano, até a vitoria do PP nas eleccións municipais de 2007. Entre 2007 e 2011 desempeñou o cargo de Presidente da Deputación Provincial de Cuenca.
En outono de 2010 presentou a súa candidatura ás eleccións municipais do 22 de maio de 2011, gañando os comicios por maioría absoluta, obtendo 13 concelleiros fronte a 12 do candidato do PP e daquelas alcalde, Francisco Javier Pulido. Desde o 11 de xuño de 2011 ostenta o cargo de alcalde do concello de Cuenca.
| Predecesor: Luis Muelas |
 Presidente da Deputación Provincial de Cuenca 2007-2011 |
Sucesor: Benjamín Prieto Valencia |
| Predecesor: Francisco Javier Pulido |
 Alcalde de Cuenca 2011-actualidade |
Sucesor: No cargo |